សមាគមផ្នែកព្យាបាលដោយចលនានៅកម្ពុជា បានស្នើឲ្យក្រសួងសុខាភិបាលបង្កើនការជ្រើសរើសគ្រូពេទ្យព្យាបាលដោយចលនាឲ្យបម្រើការក្នុងមន្ទីរពេទ្យបង្អែក ដើម្បីចូលរួមលើកកម្ពស់សុខភាព តាមរយៈការព្យាបាលដោយចលនាដែលប្រកដទៅដោយប្រសិទ្ធភាពខ្ពស់។
លោកសុង សិទ្ធ ប្រធានប្រត្តិបត្តិសមាគមនព្យាបាលដោយចលនាកម្ពុជាបានថ្លែងនៅក្នុងពិធីសន្និបាតថ្នាក់ជាតិដែលបានរៀបចំធ្វើ កាលពីថ្ងៃទី៩ ខែធ្នូ ឆ្នាំ២០១៣ នៅសាលប្រជុំនៃមន្ទីរពេទ្យកាល់ម៉ែតឲ្យដឹងថា ការព្យាបាលដោយចលនាបានដើរតួនាទីយ៉ាងសំខាន់ ក្នុងការការពារនិងព្យាបាលឲ្យមានការជាសះស្បើយ និងការសម្របសម្រួល និងស្តារលទ្ធភាពជូនដល់អ្នកជំងឺនិងជនពិការនៅកម្ពុជា។ លោកបន្តថា ព័ត៌មាន និងការយល់ដឹងស្តីពីសេវាព្យាបាលដោយចលនានៅមានកម្រិតនៅឡើយ ពិសេសប្រជាពលរដ្ឋដែលកំពុងរស់នៅក្នុងស្រុក ខេត្ត ទីជនបទឆ្ងាយៗ គឺពួកគេមិនបានយល់ដឹងច្បាស់ពីអ្វីដែលហៅថា ការព្យាបាលដោយចលនានៅឡើយទេ។ លោកបញ្ជាក់ថា ការព្យាបាលដោយចលនានាពេលបច្ចុប្បន្នប្រហែលជាមិនទាន់បានទៅដល់តំបន់ឆ្ងាយៗនៅតាមជនបទនៅឡើយទេ ព្រោះថា ក្នុងចំណោមគ្រូពេទ្យព្យាបាល ដោយចលនាចំនួន៣៩៥នាក់ ដែលបានបញ្ចប់ការសិក្សាចេញពីសលាបច្ចេកទេសថែទាំវេជ្ជសាស្រ្ត៧០ភាគរយ ក្នុងចំណោមពួកគេគឺធ្វើការនៅទីក្រុង ឬ ទីប្រជុំជន ដែលមានតែ៣០ភាគរយតែប៉ុណ្ណោះដែលធ្វើការក្នុងទីជនបទ។ លោកថា ចំនួន៣០ភាគរយនេះ ពិតជាមិនអាចផ្សព្វផ្សាយក៏ដូចជាផ្តល់សេវាព្យាបាលដោយចលនាឲ្យបានគ្រប់គ្រាន់ជូនដល់ប្រជាពល រដ្ឋ៨០ភាគរយដែលកំពុងរស់នៅទីជនបទនោះទេ។
លោកអេង ហួត រដ្ឋលេខាធិការក្រសួងសុខាភិបាលបានមានប្រសាសន៍ថា កន្លងមកនេះ ក្រសួងបានបង្កើតចំនួន និស្សិត ចំនួនមន្ត្រីព្យាបាលដោយចលនានៅតាមមន្ទីរពេទ្យព្យាបាលដោយចលនា ដែលបានបញ្ចប់ការ សិក្សារបស់ខ្លួននា ពេល ប៉ុន្មាន ឆ្នាំចុងក្រោយនេះ និងមានឱកកាសចូលបម្រើជាមន្ត្រីរាជការនៅក្រសួងសង្គមកិច្ច និងអង្គការក្រៅរដ្ឋាភិបាល វិស័យឯកជន ដូច ជាគ្លីនិចនៅទូទាំងប្រទេស និងកន្លែងផ្សេងទៀតតាម សមត្ថភាព របស់ខ្លួន។ លោកបន្តថា ជាការពិតការសិក្សាជំនាញរយៈ ពេល បីឆ្នាំនៅសាលា វាគ្រាន់តែជាមូល ដ្ឋានគ្រឹះតែ ប៉ុណ្ណោះតែអ្វីដែលសំខាន់និងអាចឆ្លើយតបទៅតាម តម្រូវការស្ថានភាពជាក់ ស្តែងនោះគឺជាការសិក្សាស្រាវ ជ្រាវ បន្ថែម ឬការសិក្សាបន្តក៏ដូចជាការជួបជុំគ្នាមួយឆ្នាំម្តង ដើម្បីចែក រំលែកបទពិសោធន៍គ្នាទៅ វិញទៅមក ដូច ថ្ងៃនេះជាឧទាហរណ៍ស្រាប់។
លោកសាស្រ្តចារ្យគង់ សន្យា អគ្គនាយករងមន្ទីរពេទ្យកាល់ម៉ែតបានមានប្រសាសន៍ថា កន្លងមកនេះមន្ទីរពេទ្យ តែង តែអនុញ្ញាត ឲ្យប្អូនៗជានិស្សិតបណ្តុះបណ្តាលថ្នាក់មូលដ្ឋាន និងក្រោយមូលដ្ឋានបានធ្វើ កម្មសិក្សា នៅទីនឌេះ តាមកិច្ចសហ ប្រតិបត្តិការ រវាងមន្ទីរពេទ្យនិងសាលាបច្ចេកទេសថែទាំវេជ្ជសាស្រ្ត និងតាមរយៈ ការស្នើសុំពី សមាគមព្យាបាលដោយចលនា កម្ពុជា។ លោក បន្តថា កន្លងមកនេះមន្ទីរពេទ្យក៏ធ្លាប់បាន បញ្ជូនមន្ត្រី របស់ មន្ទីរពេទ្យផ្នែកព្យាបាលដោយចលនាទៅសិក្សា បន្ថែម នៅក្រៅ ប្រទេស ជាពិសេសប្រទសបារាំង និងសឹង្ហបុរីជាដើម។ ដោយ៖ អភិរក្ស