ភ្នំពេញ៖ លោក Jonchim Barin von Marschall ឯកអគ្គរដ្ឋទូតអាល្លឺម៉ង់ប្រចាំកម្ពុជាបានសន្យាធ្វើកិច្ចសហប្រតិបត្តិកានិងបន្តរជួយកំណែទម្រង់ច្បាប់ និងប្រព័ន្ធយុត្តិធម៌នៅប្រទេសកម្ពុជា។ ការសន្យានេះបានធ្វើឡើងក្នុងជំនួបពិភាក្សាការងារជាមួយ លោក អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ នាព្រឹកថ្ងៃទី១៩ មីនា នៅទីស្តីការក្រសួង។
.jpg)
លោក ជិន ម៉ាលីន អនុរដ្ឋលេខាធិកាក្រសួងយុត្តិធម៌បានប្រាប់អ្នកសារព័ត៌មាន នៅក្រោយជំនួបនោះថា ក្នុងជំនួបលោកឯកអគ្គរដ្ឋទូតបានពិភាក្សាពីកំណែងទម្រង់ច្បាប់និងប្រព័ន្ធយុត្តិធម៌នៅប្រទេសកម្ពុជា ដែលទើបតែរំសាយពីគណៈរដ្ឋមន្ត្រីនិងផ្ទេរមកក្រសួងយុត្តិធម៌ ព្រោះកាលពីមុនអ្នកជំនាញអាល្លឺម៉ង់ បានធ្វើការងារជួយធ្វើកិច្ចការនេះ ហើយបន្តជួយតទៅទៀត។
.jpg)
អនុរដ្ឋលេខាធិការរូបនេះបន្តថា បំណងរបស់អ្នកជំនាញអាល្លឺម៉ង់ខាងលើនេះ ត្រូវបានស្វាគមន៍ដោយលោករដ្ឋមន្ត្រីក្រសួងយុត្តិធម៌ អង្គ វង្សវឌ្ឍនា ដើម្បីមកធ្វើកិច្ចការកំណែងទម្រង់ប្រព័ន្ធយុត្តិធម៌ឲ្យកាន់តែប្រសើថែមទៀត។ ជាមួយគ្នានោះ ឯកអគ្គរដ្ឋទូតក៏ចង់ដឹងពីកំណែទម្រង់ប្រព័ន្ធយុត្តិធម៌ ដែលគ្រោងនិងកែថាតើវាវិវត្តន៍ដល់ណាហើយ នៅពេលបានផ្ទេរ មកក្រសួងយុត្តិធម៌។
ជាការឆ្លើយតប លោករដ្ឋមន្ត្រី បានជម្រាបជូនថា មកដល់ពេលនេះយើងបានបង្កើតជាលេខាធិដ្ឋាន ក្នុងការធ្វើកំណែទម្រង់ប្រព័ន្ធយុត្តិធម៌ ហើយក្រសួងស្វាគមន៍ចំពោះអ្នកជំនាញ់ដែលចង់ធ្វើការជាមួយនៅកម្ពុជា ។ លោកថាកន្លងមកមានអ្នកជំនាញអាល្លឺម៉ង់បានជួយដល់ប្រព័ន្ធយុត្តិធម៌ផ្នែកច្បាប់រដ្ឋបាលនិងផ្នែកតុលាការរដ្ឋបាល។ ប៉ុន្តែការជួយនោះខណៈដែលប្រព័ន្ធកំណែងទម្រង់នេះស្ថិតនៅក្រោមការគ្រប់គ្រង់របស់គណៈរដ្ឋមន្ត្រី ៕ដោយ៖ រតនា