ផ្លូវបេតុងមួយខ្សែដែលមានប្រវែង ៤១៨ម៉ែត្រ និងទទឹង៣ម៉ែត្រកន្លះ ដែលស្ថិតនៅ ក្នុងបរិវេណវត្តសិរីជ័យមង្គល ហៅវត្តតាគោហ៊េ ស្ថិតនៅក្នុងឃុំរកាកោងទី១ ស្រុកមុខកំពូល ខេត្តកណ្តាល បានសម្ភោធដាក់​​​ឲ្យប្រើប្រាស់​ជា​ផ្លូវ​​​​​​ការ ដើម្បីសំរួលដល់ការលំបាក ក្នុងការធ្វើ ដំណើររបស់ព្រះសង្ឃចេញទៅបិណ្ឌបាត និងពុទ្ធិបរិសិទ្ធ ។ ពិធីនេះ​ប្រារព្ធ​ធ្វើឡើងនៅថ្ងៃទី៦ ខែ មេសា ក្រោមវត្តមានរបស់លោក កុយ ស៊ីឌឿន អគ្គនាយកវិទ្យុ DP ប៊ីយ្យូធី និង​ភរិយា តំណាងឯ.ឧ ហ៊ុន ម៉ាណែត និងលោកជំទាវ។លោក កុយ ស៊ីឌឿន បានមានប្រសាសន៍ថា នៅក្នុង​បរិវេណ​វត្ត​សិរីមង្គលហៅ វត្តតា គោហ៊េកន្លងមក នៅពេលមានភ្លៀងធ្លាក់តែងតែមានភាពលំបាកក្នុងការធ្វើដំណើរ របស់​ព្រះ​សង្ឃចេញទៅ បិណ្ឌបាតនិងពុទ្ធិបរិសិទ្ធពិបាកធ្វើដំណើរមកធ្វើបុណ្យ។ ដូច្នេះនៅពេលនេះ ឯ.ឧនិងលោក​ជំទាវ ព្រះគូចៅអធិការវត្តនិងគណៈកម្មាធិការវត្ត ព្រមទាំងមានការ ចូល រួមចំណែក ពីប្រជា ព​លរដ្ឋ ទាំងអស់ដែលជាពុទ្ធិ​​​​​បរិសទ្ធចំណុះជើងវត្ត បានធ្វើឲ្យបរិវេណវត្ត​របស់យើងមានភាព ស្រស់ បំព្រងដើម្បីលើកកម្ពស់វិស័យ​ព្រះពុទ្ធ​សាសនា។

លោកបញ្ជាក់ថា ឃុំរកាកោងទី១ នេះ ជាទឹកដីនិងស្រុកកំណើតរបស់លោក និងតំណរពីលោក ឪពុកលោក លោក​តែ​ងតែមកធ្វើ បុណ្យនិងជួយទំនុកបំរុងវត្តនេះជារៀងរហូតមក។ដូច្នេះលោកនិងភរិយាសង្ឃឹមថា សមទ្ធិផល​ដែល​បាន​កើតឡើងដោយកំលាំងសាមគ្គីនេះ ​និងបំរើផលប្រយោជន៍ ដល់ប្រជាពលរដ្ឋនៅ​ក្នុងភូមិ ដូច្នេះ​សូមជួយ​ថែ​រក្សា​ទាំង​អស់គ្នា ដើម្បីទុកជាកេរ្តិ៍ដំណែលឲ្យក្មេង​ៗ ជំនាន់ក្រោយ​យក​គំរូតាមយើងទាំងអស់គ្នា។ លោកអ្នកភរិយា​​បាន​ពាំ​​នាំ​​នូវ​ប្រសាសន៍ផ្តាំផ្ញើរសាកសួរ សុខទុក្ខពី សំណាក់ឯ.ឧ ហ៊ុន ម៉ាណែតនិងលោកជំទាវដែលលោក​​​​​​​តែងតែគិត​គូរពី​​​​​​​​​​​​​​សុខទុក្ខបងប្អូនទាំងអស់ ដែលជានិច្ច ជាកាល តែងតែអនុញ្ញាតឲ្យលោកនិងភរិយាចុះជួយគ្រប់ទីកន្លែង ជាមួយ និងឯ.ឧ ជាក់ស្តែង ដូចជាក្នុងពេលនេះ ។ ក្នុងឱកាសនោះដែរ លោកនិងភរិយាបាននាំយក ក្រមារឺកន្សែង សម្ភារៈ សិក្សានិងថវិកាបន្តិចបន្តួចជូនប្រជាពលរដ្ឋ លោកគ្រូអ្នកគ្រូ សិស្សា​នុសិស្ស យាយជីតាជី និងកងកម្លាំងផងដែរ៕

ដោយ៖ រតនា