ប្រទេសស៊េរី៖ បណ្តាញទូរទស្សន៍របស់ស៊េរីបានរាយការណ៍ថា មនុស្សយ៉ាងហោចណាស់ ៧ នាក់បានស្លាប់ និងមនុស្ស ១៥ នាក់ ទៀតបានរងរបួសជាទំងន់ដោយសារការបន្ទុះគ្រាប់មួយ កន្លែងនៅក្នុង ទីក្រុង Damascus ប្រទេសស៊េរី។ ភ្នាក់ងារសារព័ត៌មាន Sana បានអោយដឹងថា ពួកភារវករបានបន្ទុះគ្រាប់មួយនៅក្នុងស្រុក Tadamon ភាគខាងត្បូងនៃទីក្រុង Damascus។

ស្រុក Tadamon គឺជាកន្លែងជំលោះរវាងពួកបះបោរនិងកងកំលាំងប៉ូលីសអស់ពេលជាយូរខែមកហើយ។ ក្រុមសកម្មជនរបស់អង់គ្លេសនិងក្រុមអ្នកស៊ើបអង្កេតរបស់ស៊េរីបាននិយាយថា ការបន្ទុះគ្រាប់បែកក្នុងឡាន នៅស្រុក Tadamon បានសំលាប់មនុស្សយ៉ាងហោចណាស់ ៧ នាក់និង ១៥ នាក់ទៀតបានរងរបួស។
យោងតាមអង្គការសហប្រជាជាតិបានអោយដឹងថា មនុស្សជាង ១០០០០០ នាក់បានស្លាប់ដោយសារ ពួកភារវករទាំងនោះហើយមនុស្សរាប់លាននាក់បានចាកចេញពីប្រទេសរបស់ពួកគេ។ ដោយ៖ តុលា