ភ្នំពេញ៖ បច្ចុប្បន្នកម្ពុជា ជាប្រទេសមួយដែលប្រកបដោយ សុខសន្តិភាពនិងមានការអភិវឌ្ឍន៏គ្រប់វិស័យហើយក្នុងចំណោមវិស័យទាំងនោះ វិស័យយានយន្ត ក៏កំពុង មានការរីកចំរើនគួរកត់សំគាល់ ផងដែរ ។ ដោយឃើញដូចនេះ ក្រុមហ៊ុនតូយ៉ូតា ខេមបូឌា ផ្តល់អាហារូបករណ៏បច្ចេកទេសជួសជុលរថយន្តដល់និសិ្សតក្រីក្រ១០នាក់ រយពេល២ឆ្នាំ ដោយផ្តល់ ទាំងការ ស្នាក់ នៅ ថ្លៃសិក្សា និងថ្លៃអាហារ នៅសាលា បច្ចេក កម្ពុជា ។
លោកឧកញ៉ា គង់ នួន ប្រធានក្រុមហ៊ុន តូយ៉ូតា ខេបូឌា បានមានប្រសាសន៏នៅ ក្នុង ពីធីប្រគល់ អាហារូបករណ៏បច្ចេកទេសជូនចំពោះសិស្សក្រីក្រនាព្រឹកមិញថា នេះជាសកម្ម ភាព មួយក្នុងចំណោម សកម្មភាពដ៏ទៃទៀត របស់ក្រុម ហ៊ុនក្នុងការចូលរួមចំណែក កសាង និង អភិវឌ្ឍន៏សង្គមជាតិ។ ការបណ្តុះបណ្តាលធនធានមនុស្ស គឺជាកត្តាស្នូល មួយ ដ៏សំខាន់ ក្នុង អភិវឌ្ឍន៏ប្រទេសឲ្យការរីកចំរើន កាត់បន្ថយភាពក្រីក្ររបស់ប្រជាពលរដ្ឋកម្ពុជា។ លោក ឧក ញាបានបញ្ជាក់ថា ដោយសង្កេតឃើញពីចំណុះសំខាន់ទាំងអស់លើ ទើបក្រុម ហ៊ុន សំរេច ផ្តល់ជូនអាហារូបករណ៏សិក្សាលើជំនាញបច្ចេកទេសជួសជុល រថយន្តសំរាប់រយៈពេល ២ឆ្នាំ ជូនសិស្សក្រីក្រ ដែលមិនមានលទ្ធភាពក្នុងការបង់ថ្លៃ សិក្សា ដែលអាហារូបករណ៏ដែលផ្តល់ ជូននៅពេលនេះ រួមមាន ថ្លៃសិក្សា ថ្លៃស្នាក់នៅ និងថ្លៃអាហារ ។
លោកឧកញាបន្តថា ធន ធានមនុស្ស គឺជាធនធានមួយដល់សំខាន់ ដើម្បីចូល រួមចំណែក ក្នុង ធ្វើ ឲ្យ វិស័យ យាន យន្ត កាន់តែមានការរីកចំរើន ដោយអភិវឌ្ឍន៏ធនធានមនុស្សនៅកម្ពុជាតាមរយៈការផ្តល់ អាហា រូបករណ៏នាពេលនេះ ។
លោកឧកញ៉ា គង់ នួន បានជំរុញឲ្យនិស្សិតដែលទទួលបានអាហារូបករណ៏ នាពេល នេះ ថា ទោះ បីជាបច្ចុប្បន្ននេះក្មួយៗមានជីវភាពលំបាក ដោយ មិនមានលទ្ធភាព បង់ថ្លៃ សិក្សា យ៉ាងណា និស្សិតត្រូវមានឆន្ទះ និងតស៊ូព្យាយាម និងអត់ធ្មត់ក្នុងជីវិត ហើយមាន ការតស៊ូ ព្យាយាមអត់ធ្មត់ និង មិនចុះចាញ់នេះឯង ដែលជាបច្ច័យមួយធ្វើឲ្យមានភាពជោគជ័យក្នុង ឆាកជីវិតនាពេលបច្ចុប្បន្ន និងទៅអនាគត ។
គួររំលឹកដែរថា នេះជាលើកទី២ហើយ ដែលក្រុមហ៊ុនបានផ្តល់អាហា រូបករណ៏ បច្ចេកទេសជួសជុល រថយន្តជូនចំពោះសិស្សក្រីក្រ ។ កាលពីឆ្នាំ២០១២ ក្រុមហ៊ុនបាន ផ្តល់ ជូនសិស្សក្រីក្រចំនួន ១៦នាក់ ដែលបច្ចុប្បន្ន ពួកគេកំពុងសិក្សា និងស្នាក់នៅ សា លា បណ្តុះ បណ្តាលបច្ចេកទេស JVC ហើយពួកគេ ទទួលបានលទ្ធផលល្អប្រសើរ លើការ សិក្សា ការ ពី ឆ្នាំកន្លងមកនេះ ៕ ដោយ៖ អភិរក្ស