បាល់ទាត់៖ កាលពីរាត្រីយប់មិញនេះ វេលាម៉ោង ២និង៤៥នាទី ក្រុមបិសាចក្រហម Manchester United
បានប្រកួតស្មើជាមួយក្រុម Bayern Munich នៅក្នុងជើងទី ១នៃវគ្គ ៨ក្រុមចុងក្រោយនៃពានរង្វាន់ Uefa
Champion League ដោយលទ្ធផល ១-១ ។ សូមបញ្ជាក់ផងដែរថា នៅក្នុងតង់ទី១គឺគ្មានក្រុមមួយណា
អាចស៊ុតបញ្ចូលទីគ្នាបានឡើយ លុះមកដល់នាទីទី ៥៨នៃតង់ទី២ កីឡាករ Nemanja Vidic របស់ក្រុម
Manchester United ក៏បានតែតបាល់មួយគ្រាប់បញ្ចូលទី ក្រោមការទាត់បាល់ជ្រុងយ៉ាងល្អពីសំណាក់
កីឡាករ Wayne Rooney ចំណែកឯគ្រាប់បាល់ ១គ្រាប់របស់ក្រុម Bayern Munich វិញគឺរកបានដោយ
កីឡាករ Bastian Schweinsteiger នៅនាទីទី ៦៦ ក្រោមការបញ្ជូនបាល់យ៉ាងល្អពីសំណាក់កីឡាករ
Mario Mandzukic។ លោក David Moyes ដែលជាគ្រូបង្វឹករបស់ក្រុមបិសាចក្រហម Manchester
United បានមានប្រសាសន៍ថា កីឡាករនីមួយៗនៃក្រុមរបស់លោកគឺបានសហការគ្នាយ៉ាងល្អទាំងការ
ការពារនិងការប្រយុទ្ធ បើទោះបីជាក្រុមរបស់លោកគឺមានបាល់គ្រប់គ្រងត្រឹមតែ ២៦ ភាគរយប៉ុណ្ណោះ៕ សូមបញ្ជាក់បន្ថែមទៀតថា ការប្រកួតរវាងក្រុមទាំង២ នៅក្នុងជើងទី ២គឺនឹងត្រួវចាប់ផ្តើមនៅថ្ងៃទី ១០
ខែមេសា ខាងមុខនេះ វេលាម៉ោង ២និង៤៥នាទីយប់៕ ដោយ៖ តុលា