នេះពិតជារឿងអស្ចារ្យ និងគួរឲ្យភ្ញាក់ផ្អើលណាស់ដែលចូលឆ្នាំចិនឆ្នាំនេះនៅ ប្រទេសចិនមានការប្រគំតន្ត្រីដែលចូលរួមពីតារាដ៏ល្បី ទាំង ២ គឺ Celine Dion និង Psy។
យោងទៅតាមបណ្ដាញផ្សព្វផ្សាយរបស់ចិនក៏បញ្ជាក់ផងដែរថាការដែលមាន ការចូលរួមសម្ដែងពី តារាល្បី ទាំង២នេះគឺដើម្បីទាញយកចំណាប់អារម្មណ៍ពី មហាជននិងអ្នកទស្សនាឲ្យកាន់តែច្រើនឡើង។ កាលបរិច្ឆេទនៃការប្រគំតន្ត្រីនោះនឹងចាប់ផ្ដើមនៅថ្ងៃសៅរ៍នេះ ហើយវាក៏ត្រូវចំណាយពេលទាំងអស់ជាង៤ម៉ោងផងដែរ ដោយមានដាក់បញ្ចាំងតាមប៉ុស្តិ៍ទូរទស្សន៍ជាច្រើន។ ព្រឹត្តិការណ៍នៃការប្រគំតន្ត្រី នោះមិនត្រឹមតែមានចម្រៀងនោះទេក៏មានឈុតឆាកកំប្លែង និងរបាំផងដែរ។
ចំ ពោះបទចម្រៀងដែលតារាទាំង២ នឹងយកមកសម្ដែងគឺ ចំពោះ Celine Dion នាងនឹងលើកយកបទ “My Heart Will Go On” ដែលជាបទដ៏ល្បី នៃរឿងTitanic ហើយChina Daily ក៏បានរាយការណ៍ដែរថានាងនឹងច្រៀងបទចិនទៀតផង។ ចំណែកឯPsy ក៏មានបទ“Gangnam Style” ដែលធ្វើឲ្យប្រជាប្រិយភាពលោកស្ទើរតែសាយភាយពេញ ពិភពលោកនោះ នាថ្ងៃនោះលោកក៏នឹងលើកយកបទនេះមកសម្ដែងដែរ៕
ដកស្រងចេញពីគេហទំព័រ Sabay