ភ្នំពេញ៖ មន្រ្តីជាន់ខ្ពស់រាជរដ្ឋាភិបាលបានថ្លែងថា ការអភិវឌ្ឍវិទ្យាសាស្ត្រនិងបច្ចេកវិទ្យា ព័ត៌មានវិទ្យា (ITC) ពិតជា
មានសារៈសំខាន់ណាស់ ដើម្បីសម្រេចបាន នូវការលើកកម្ពស់លទ្ធភាពប្រកួតប្រជែងផ្នែកសេដ្ឋកិច្ចនៅកម្ពុជា។
លោកទេសរដ្ឋមន្ត្រី ឆាយ ថន រដ្ឋមន្ត្រីក្រសួងផែនការ បានថ្លែងអះអាងបែបនេះនៅក្នុងពិធីបើកសិក្ខាសាលា
ពិគ្រោះយោបល់ថ្នាក់ជាតិលើកទី២ ស្តីពីគម្រោងផែនការមេថ្នាក់ជាតិសម្រាប់វិទ្យាសាស្ត្រ និងបច្ចេកវិទ្យា
ឆ្នាំ២០១៤-២០២០ នៅព្រឹកព្រហស្បត្តិថ្ងៃទី១៤ ខែមីនា ឆ្នាំ២០១៣នេះ នាសណ្ឋាគារកាំបូឌីយ៉ាណា ។
លោកទេសរដ្ឋមន្រ្តីបានមានប្រសាសន៍បន្តថា ការធ្វើសមាហរណកម្មកម្ពុជាទៅក្នុងតំបន់ និងពិភពលោក
ជាពិសេសការបំពេញតួនាទីជាប្រធានអាស៊ាន ប្រកបដោយជោគជ័យកន្លងមក ព្រមទាំងការធានាឲ្យមាន
សិ្ថរភាព ម៉ាក្រូសេដ្ឋកិច្ច កំណើនសេដ្ឋកិច្ចខ្ពស់ ការអភិវឌ្ឍសេដ្ឋកិច្ច-សង្គមកិច្ចហើយជាចុងក្រោយគឺការ
អនុវត្តនូវគោលនយោបាយបើកចំហលើវិស័យវិទ្យាសាស្ត្រ និងបច្ចេកវិទ្យាទំនើបផងដែរ។
លោកទេសរដ្ឋមន្រ្តី ឆាយ ថន បញ្ជាក់ថា ដោយមើលឃើញពីអត្ថប្រយោជន៍ផ្នែកវិទ្យាសាស្ត្រ និង បច្ចេកវិទ្យា គឺជាកម្លាំង
ចលករស្នូលក្នុងការជំរុញការអភិវឌ្ឍសេដ្ឋកិច្ច សង្គមឲ្យកាន់តែមានសន្ទុះលឿនទៅមុខ ដូចបណ្តាប្រទេសជឿនលឿន
ដទៃទៀតនោះ រាជរដ្ឋាភិបាល មានការប្តេជ្ញាចិត្តយ៉ាងមុតមាំក្នុងការអភិវឌ្ឍវិស័យវិទ្យាសាស្ត្រនិងបច្ចេកវិទ្យានេះជាពិសេស
មានធ្វើការកែសម្រួល យុទ្ធសាស្ត្រចតុកោណ ដែលជារបៀបវារៈ
គោលនយោបាយសង្គម សេដ្ឋកិច្ច របស់រាជរដ្ឋាភិបាលកម្ពុជា ហើយជាទស្សនៈទានរួមនៃការអភិវឌ្ឍនាពេលបច្ចុប្បន្ន
ក៏ដូចជាទៅអនាគត និងផែនការយុទ្ធសាស្ត្រអភិវឌ្ឍន៍ជាតិ (NSDP) ដោយបញ្ចូលនូវផ្នែកវវិទ្យាសាស្ត្រ និងបច្ចេកវិទ្យា
ព័ត៌មាននេះផងដែរ។
គួរបញ្ជាក់ផងដែរថា ចាប់តាំងពីសិក្ខាសាលាពិគ្រោះយោបល់ថ្នាក់ជាតិលើកទី១ កាលពីថ្ងៃទី៣១ ខែកក្កដា ឆ្នាំ២០១២
ក្រសួងផែនការរួមជាមួយនឹងគណៈកម្មាធិការ ដឹកនាំបច្ចេកទេសផ្នែកវិទ្យាសាស្ត្រ និងបច្ចេកវិទ្យាហើយនិងសិក្ខាសាលា
ពីគ្រោះយោបល់ថ្នាក់ជាតិលើកទី២ នៅថ្ងៃទី១៤ ខែមីនា ឆ្នាំ២០១៣នេះ។ ព្រមជាមួយគ្នានេះឯកសារចំបងនៃគម្រោង
ផែនការមេជាតិវិទ្យាសាស្ត្រ និងបច្ចេកវិទ្យាដែលត្រូវលើកយកមកពិភាក្សាគ្នាទាំងនោះរួមមាន៥ចំណុច ក្នុងនោះចំណុច
និមួយៗបានលំអិតទៅដោយផែនការមេមានដូចជា៖
១- ផែនការមេជាតិ វិទ្យាសាស្ត្រ និងបច្ចេកវិទ្យា សម្រាប់ឆ្នាំ ២០១៤ ដល់ ២០២០
២- អនុក្រិតស្តីពីការបង្កើតស្ថាប័នទទួលបន្ទុកវិទ្យាសាស្ត្រ និងបច្ចេកវិទ្យា
៣- ច្បាប់សម្រាប់លើកស្ទួយវិទ្យាសាស្ត្រ និងបច្ចេកវិទ្យា
៤- ឯកសារស្តីពីការបង្កើតមជ្ឈមណ្ឌលព័ត៌មានវិទ្យា និងបច្ចេកវិទ្យា ព្រមទាំង Website (snt.gov.kh)
៥- ឯកសារស្តីពីផែនការសកម្មភាពលើទិសដៅសំខាន់៣គឺ៖ កសិកម្មឧស្សាហកម្មបឋមនិង ICT
ដែលជាការស្តែងចេញ នូវផែនការសកម្មភាព ខ្នាតតូចជាក់ស្តែង នៃផែនការមេ ៕ ស.ស្អាត