ប្រទេសថៃ៖ កាលពីថ្ងៃពុធម្សិលមិញ គ្រាប់បែកចំនួន ២គ្រាប់គឺបានផ្ទុះឡើងយ៉ាងសាហាវនៅក្នុងឃ្លាំងស្តុក
ដែកមួយកន្លែងនៃទីក្រុងបាងកក ដោយបានឆក់យកជីវិតមនុស្សយ៉ាងហោចណាស់ ៧នាក់និងបានបណ្តាល
ឲ្យមនុស្សចំនួន ១៩នាក់ផ្សេងទៀតទទួលរងរបួសជាទំងន់។ មន្រ្តីប៉ូលីសបានឲ្យដឹងថា គ្រាប់បែកចំនួន ២គ្រាប់
ខាងលើនេះគឺត្រួវបានរកឃើញដោយកម្មករសំណង់ ហើយពួកគេទាំងអស់នោះក៏បានលក់វាទៅ ដោយពួកគេ
ជឿថា គ្រាប់បែកខាងលើនេះគឺជាគ្រាប់បែកស្អុយ។ អ្នកសារព័ត៌មានបានឲ្យដឹងថា មុនពេលកើតហេតុ គេ
បានឃើញកម្មករជាច្រើននាក់បាននាំគ្នាពុះបំបែកគ្រាប់ខាងលើនេះ រួចហើយវាក៏បានផ្ទុះឡើងភ្លាមៗ។ មន្រ្តី
ប៉ូលីសបានបញ្ជាក់ថា មនុស្សចំនួន ៥នាក់គឺបានស្លាប់ភ្លាមៗនៅនឹងកន្លែងកើតហេតុ។ លោក​ Kamthorn
Auicharoen ប្រធានស្នងការដ្ឋានប្រឆាំងនឹងគ្រាប់បែកបានមានប្រសាសន៍ទៅកាន់អ្នកសារព័ត៌មានថា គ្រាប់
បែកចំនួន ២គ្រាប់ខាងលើនេះគឺទំនងជាគ្រាប់បែកដែលបានសេសសល់នៅក្នុងសង្រ្គាមលោកលើកទី២
(World War 2)៕  ដោយ៖ តុលា