ចក្រភពអង់គ្លេស៖ កាលពីព្រឹកថ្ងៃច័ន្ទនេះ វេលាម៉ោង៦និង០០នាទី ស្រ្តីជនជាតិអង់គ្លេសចំនួន ២នាក់គឺបានលង់ទឹកស្លាប់នៅក្នុងសមុទ្រមួយកន្លែងស្ថិតក្បែររមណីយដ្ឋាន Holiday ដែលមាន
ទីតាំងនៅលើកោះ Tenerife។ ក្រុមអ្នកជួយសង្រ្គោះបន្ទាន់បានមានប្រសាសន៍ថា នៅពេលកើត ហេតុគឺមានមនុស្សចំនួន ៥នាក់ស្ថិតនៅក្នុងសោកនាដកម្មនៃការលង់ទឹកខាងលើនេះដែលនៅ
ក្នុងនោះរួមមាន ស្រ្តីចំនួន ៣នាក់និងកូនក្មេងចំនួន ២នាក់។ ក្រុមអ្នកជួយសង្រ្គោះបន្ទាន់បាន
មានប្រសាសន៍បន្តទៀតថា ស្រ្តី ២នាក់ដែលបានបាត់បង់ក្នុងសោកនាដកម្មខាងលើនេះគឺមាន
អាយុ ៤៣ឆ្នាំនិង ៤០ឆ្នាំ ចំណែកឯស្រ្តីម្នាក់ដែលកំពុងតែសម្រាកព្យាបាលនៅក្នុងមន្ទីពេទ្យគឺ
មានអាយុ ៣៨ឆ្នាំ រីឯកូនក្មេង ២នាក់ផ្សេងទៀតគឺមានអាយុ ១០ឆ្នាំនិង១៤ឆ្នាំ។ សូមបញ្ជាក់
ផងដែរថា សោកនាដកម្មខាងលើនេះគឺស្ថិតនៅក្បែរសណ្ឋាគារផ្កាយប្រាំ Playa Paraiso ។
យោងតាមអ្នកគ្រប់គ្រងទូទៅប្រចាំរមណីយដ្ឋាន Holiday បានឲ្យដឹងថា កាលពីឆ្នាំមុន ភ្ញៀវ
ទេសចរណ៍ជនជាតិអង់គ្លេសប្រហែល ១លានគឺបានមកទស្សនាកោះ Tenerife។ ដោយ៖ តុលា