ប្រទេសម៉ាឡេស៊ី៖ កាលពីពេលថ្មីៗនេះ ភ្ញៀវទេសចរណ៍ជនជាតិចិនម្នាក់និងកម្មករជនជាតិហ្វីលីពីនម្នាក់
គឺត្រួវបានជនដៃដល់ ៦ ចាប់ជំរិតនៅក្នុងរមណីយដ្ឋាន Holiday ដែលមានទីតាំងនៅលើកោះ Borneo ស្ថិតនៅ
ក្នុងស្រុក Semporna ភាគខាងកើតនៃរដ្ឋ Sabah ប្រទេសម៉ាឡេស៊ី។ មន្រ្តីប៉ូលីសបានអះអាងថា ជន
រងគ្រោះទាំង ២នាក់ខាងលើនេះគឺមានអាយុ ២៩ ឆ្នាំនិង ៤០ឆ្នាំ។ សូមបញ្ជាក់ផងដែរថា បន្ទាប់ពីជន
ដៃដល់ទាំង ៦នាក់ខាងលើបានចាប់ជំរិតជនរងគ្រោះទាំង ២នាក់រួចមក ពួកគេទាំងនោះ ក៏បានជិះទូកគេច
ខ្លួនបាត់។ មន្រ្តីប៉ូលីសបានបញ្ជាក់បន្ថែមទៀតថា កាលពីវិច្ឆិកាកន្លងមក ភ្ញៀវទេសចរណ៍ជនជាតិតៃវ៉ាន់ ម្នាក់គឺត្រួវបានជនដៃដល់មួយក្រុមបាញ់សំលាប់ ហើយបានចាប់ជំរិតប្រពន្ធជនរងគ្រោះទៀតផង តែក្រោ
យមកនាងក៏ត្រួវបានកងយោធារបស់ប្រទេសហ្វីលីពីនជួយសង្រ្គោះចេញពីកណ្តាប់ដៃរបស់ជនដៃដល់ទាំង
អស់នោះវិញ។ យោងតាមសំដីរបស់មន្រ្តីប៉ូលីសម្នាក់បានឲ្យដឹងថា អំពើហឹង្សានៅក្នុងតំបន់ខាងលើនេះគឺ
បានកើតឡើងតាំងតែពីពួកគាំទ្រសាសនា Sultan បានមករស់នៅក្នុងតំបន់ខាងលើនេះនៅក្នុងឆ្នាំមុនមកម្លេះ
ដោយអះអាងថា វាគឺជាទឹកដីរបស់ពួកគេ៕ ដោយ៖ តុលា
