ខេត្តកំពង់ធំ៖ ខណៈដែលបុណ្យចូលឆ្នាំ ប្រពៃណីជាតិខ្មែរ ជិតឈានចូលមកដល់ ក្នុងពេលខាងមុខ និងដើម្បី​​ធានា​បាននូវ​សន្តិ​សុខ សណ្ដាប់ធ្នាប់ និងសុវត្ថិភាព ស្ថេរភាពក្នុងអំឡុងប្រារព្វពិធីបុណ្យជាតិ ក៏ដូចជាក្រោយទទួលបាន នូវផែនការនិង​ការណែ​នាំ ពីក្រសួងមហាផ្ទៃ និងអគ្គ ស្នង ការនគរបាលជាតិ នៅរសៀលថ្ងៃ ទី៥ ខែមេសា ឆ្នាំ២០១៤ ស្នងការរដ្ឋាននគរបាល ខេត្ត​កំពង់ធំ បានធ្វើការផ្សព្វផ្សាយ នូវក្លឹមសារ និងបាន ដាក់ ចេញនូវគោលការមួយចំនួនបន្ថែមដល់​ការិយាល័យអធិការ​ក្រុង/​ស្រុក​និងប៉ុស្តិ៏នគរបាលរដ្ឋបាលសំរាប់អនុវត្ត។

ថ្លែងក្នុងឳកាសនោះ លោកឧត្តមសេនីយ៏ត្រី ផាន់ សុផេង ស្នងការនគរបាល ខេត្តបានបញ្ជាក់ថា រាល់អធិការនិងប៉ុស្តិ៏រដ្ឋបាល​ទាំង​អស់ត្រូវ បង្កើនការប្រុងប្រយ័ត្នខ្ពស់ និងគ្រប់គ្រងលើមុខសញ្ញា ចាស់និងថ្មីឲ្យជាប់ ព្រោះថាក្នុងឳកាសនេះមុខសញ្ញាអាច​និងធ្វើ​សកម្មភាពផ្សេងៗរួមទាំងក្រុមជនឆ្លៀតឳកាសផងអាចនិងបង្ករភាពអសន្តិសុខ រំខានដល់ប្រជាពលរដ្ឋដែលកំពុង​សប្បាយ​រីករាយក្នុងឳកាសប្រារព្វពិធីបុណ្យចូលឆ្នាំ ។

ជាងនេះទៅទៀង សមត្ថកិច្ចទាំងអស់មិនថាកំលាំងប្រចាំបញ្ជារ​ឬ​អន្តរាមន៏ត្រូវត្រៀមគ្រប់ពេលវេលាធ្វើយ៉ាងណាបង្ករ​លក្ខណៈ​ឲ្យ ប្រជាពលរដ្ឋ លេងល្បែងប្រជាប្រិយ រាំកំសាន្តតាមប្រណៃណីជាតិខ្មែរ និងហាមដាច់ខាតនូវការលេងប៉ាតម្សៅជះទឹក​និង​ការប្រើប្រាស់គ្រឿងបំផ្ទុះ ណាមួយដែលធ្វើឲ្យប៉ះពាល់សណ្ដាប់ធ្នាប់សង្គម។

ដោយឡែកពាក់ព័ន្ធ និងសកភាពការណ៏​នយោ​បាយ លោកឧត្តមសេនីយ៏ត្រី បានលើកឡើងថា វីត្បិតតែខេត្តកំពង់ធំ មិន​ធ្លាប់​មាន​សកម្មភាព នៃចលនាប្រឆាំងណាមួយគួរ​កត់សម្គាល់ក្ដី ប៉ុន្តែភាពប្រុងប្រយ័ត្នក្នុង ស្មារតីទទួលខុសត្រូវ ជាសមត្ថកិច្ចដែនដី ត្រូវក្ដាប់​ឲ្យ​ជាប់​ក្នុង​ដៃ​នូវរាល់ស្ថាន​ការណ៏​បត់បែន ​៕ ដោយ៖ អភិរក្ស