ភ្នំពេញ៖មេធាវីដែលទើបបញ្ចប់ការសសិក្សាផ្នែកវិជ្ជាជីវៈមេធាវីចំនួន៥៨រូបបានធ្វើសច្ចាប្រណិធានចូលបម្រើការងារតាមវិជ្ជាជីវៈរបស់ខ្លួន ដោយសុច្ទរិត ដើម្បីយុត្តិធម៌ដល់ប្រជាពលរដ្ឋ ក្នុងការស្វែងរកយុត្តិ​ធម៌​ក្នុ​ង​សង្គម។

បពិត្រ ទេព្រក្ស អារុក អ្នកតា និងទេព្តា ដ៏ខ្លាំងពូកែគ្រប់ទិសទី ព្រមទាំងបារមីដ៏ស័ក្តិសិទ្ធិ ទាំងអស់ក្នុង​លោកមាន មាន​ព្រះអង្គដងកើ ព្រះអង្គស្វេតច្ឆ័ត្រ ព្រះអង្គចេក ព្រះអង្គចម អ្នកតាឃ្លាំងមឿង អ្នកតា​ក្រហមក លោកតាដំបងដែក លោកតាដំបងក្រញូង លោកយាយទេព ព្រះអង្គវិហារសួគ៌ ព្រះអង្គជីរធំ វត្តបារាយរណ៍ព្រះជីរ៍  ព្រះអង្គវត្តខ្នងភ្នំខ្លែង ជាដើមសូមយាង អញ្ជើញធ្វើជាអធិបតីដឹងលឺ និងជាសាក្សី ក្នុងពិធីសម្បថរបស់យើងខ្ញុំនេះ ត្បិតពេលនេះ​យើងខ្ញុំ​បានចូលខ្លួន មកស្បថសច្ចាប្រណិធាន នៅ​ចំពោះ​មុខសាលាឧទ្ធរណ៍ ដើម្បីស្មោះត្រង់និងវិជ្ជាជីវៈ ក្នុងការបំពេញ​តួនាទីភារកិច្ចនៃយើងខ្ញុំនេះ យើ​ង​ខ្ញុំ​សូមប្តេជ្ញាជាឱឡារិកថា ក្នុងនាមជាមេធាវី យើងខ្ញុំសូមគោរព ឱ្យបានល្អបំផុត​តាមច្បាប់​ដោ​យឥតល្អៀង និងមិនលុះដោយអគតិទាំង៤យ៉ាង គឺ ឆន្ទាគតិ ទោសាគតិ មោហាគតិ និងភយា​គតិ​ឡើ​យ។នេះគឺជាការប្តេជ្ញាចិត្តដោយសង្ខបរបស់និស្សិតមេធាវីចំនួន៥៨នាក់ជំនាន់ទី១២ក្នុងពិធីធ្វើសច្ចាប្រណិ​ធាន​ដើម្បីបំពេញតួនាទីជាមេធាវីនៅព្រឹកថ្ងៃទី០៧ខែមេសាឆ្នាំ២០១៤នេះ។

សម្បថនោះបន្តថា បើយើងខ្ញុំប្រព្រឹត្តិបំពានពាក្យប្តេជ្ញាទាំងនេះដោយចេតនា ទុច្ចរិតដោយ ប្រការ​ណា​មួយ សូមឱ្យ​យើងខ្ញុំទទួលរងនូវបាបកម្មគ្រោះមហន្តរាយរងទុក្ខវេទនាខ្លោចផ្សារ សមតាមអំពើ​ដែ​ល​យើងខ្ញុំបានធ្វើ អស់រយ​នៃ​ជាតិ​កុំបីខាន។ប៉ុន្តែបើយើងខ្ញុំប្រពឹត្តិល្អដោយសុច្ចរិតត្រឹមត្រូវ តាមច្បាប់មិន​បំ​ពាន​ពាក្យប្តេជ្ញាត្រឹមត្រូវ តាម​ច្បាប់​មិន​បំ​ពានពាក្យប្តេជ្ញាទាំងនេះ និងមិនលុះដោយអគតិទាំងបួនទេ សូមឱ្យយើងខ្ញុំបានរួចចាកទុក្ខសោករោគភ័យ គ្រោះ​ចង្រៃឧបទ្រព្យគ្រប់ប្រការ និងបានតែប្រកបតែ​សេចក្តីសុខចម្រើន ជារៀងរហូតទៅទាំងក្នុងជាតិនេះ និងក្នុង​អនាគត​ជាតិកុំបីអាក់ខានឡើយ។

លោក ប៊ុន ហុន ប្រធានគណៈ​មេធាវី​នៃព្រះរាជាណាចក្រកម្ពុជាបាន ថ្លែងថា ដើម្បីឱ្យបេក្ខជន បេក្ខនារី ដែលមាន​វត្តមានចំពោះអង្គសវនាការ នេះអាចចូលប្រកបវិជ្ជាជីវៈ បេក្ខជន បេក្ខនារី ត្រូវធ្វើប្រណិធាន​នៅចំពោះ​មុខ​សាលា​ឧទ្ធរណ៍ ស្របតាមមាត្រា៣៤ នៃច្បាប់ស្តីពីលក្ខន្តិកៈ មេធាវីដែលចែងថា មេធាវី​ដែ​លត្រូវបានទទួលឱ្យប្រកបវិជ្ជាជីវៈ ត្រូវធ្វើសច្ចាប្រណិធានជាមុននៅចំពោះមុខសាលាឧទ្ធរណ៍ ដោយ​មានប្រធានគណមេធាវី៕

ដោយ៖ រតនា