ភ្នំពេញ៖ ក្រុមហ៊ុន CL&T.A.G Service& Trading Co.,Ltd. របស់ជប៉ុន បានប្រគល់កុំព្យូទ័រយួរដៃ (Laptop
Computer) ចំនួន១០០គ្រឿងដល់ព្រឹទ្ធសភាកម្ពុជា ដើម្បីបម្រើដល់ប្រព័ន្ធ បច្ចេក វិទ្យាព័ត៌មាននៅក្នុងស្ថាប័ន
កំពូលមួយនេះឲ្យមានលក្ខណៈកាន់តែប្រសើរឡើងថែមទៀត។
នាយកប្រតិបត្តិក្រុមហ៊ុនជប៉ុន CL&T.A.G.Co..,LTD លោក Jadahiro Yasuda បានមាន ប្រសាសន៍ទៅកាន់ក្រុម
អ្នកសារព័ត៌មានថា ការប្រគល់កុំព្យូទ័រយួរដៃចំនួន១០០គ្រឿងដល់ ព្រឹទ្ធសភាកម្ពុជានាពេលនេះគឺដើម្បីជួយ
សម្រួលដល់ការងារបច្ចេកវិទ្យាព័ត៌មានរបស់ស្ថាប័នកំពូលមួយនេះឲ្យរិតតែប្រសើរជាមុនថែមទៀត ។
នាយកប្រតិបត្តិក្រុមហ៊ុនរូបនេះបានបន្តថា ក្រុមហ៊ុនរបស់លោកនឹងបំពាក់នូវប្រព័ន្ធបច្ចេកវិទ្យាថ្មីមួយទៀត
ដល់ព្រឹទ្ធសភាគឺមានឈ្មោះថា Cloud System ដើម្បីងាយស្រួលក្នុងការគ្រប់គ្រងប្រព័ន្ធទិន្នន័យលើដែលកំពុង
តែដំណើរការនៅក្នុងស្ថាប័ននេះឲ្យមានលក្ខណៈកាន់តែងាយស្រួលនិងទូលំទូលាយបន្ថែមលើប្រព័ន្ធបច្ចេក
វិទ្យាដែលប្រើប្រាស់សព្វថ្ងៃ នៅក្នុងការគ្រប់គ្រង ។
លោកបន្ថែមថាប្រព័ន្ធ Cloud System នេះត្រូវបានបង្កើតឡើងដោយសហរដ្ឋអាមេរិក ហើយប្រព័ន្ធមួយ
នេះគឺកំពុងតែពេញនិយមយ៉ាងខ្លាំងនៅលើពិភពលោកនាពេលបច្តុប្បន្នហើយសម្រាប់ប្រទេសកម្ពុជាប្រព័ន្ធ
នេះត្រូវបានបំពាក់ជូនព្រឹទ្ធសភាកម្ពុជាជាលើកដំបូងដើម្បីសម្រូលដល់កិច្ចការបច្ចេកវិទ្យាព័ត៌មានឲ្យកាន់តែ
ទំនើបក៏ដូចជាចង់បង្ហាញដល់ស្ថាប័នរដ្ឋ និងឯកជនផ្សេងៗទៀតឲ្យបានដឹងអំពីអត្ថប្រយោជន៍និងភាពងាយ
ស្រួលរបស់វាក្នុងការគ្រប់គ្រងទិន្នន័យរបស់ខ្លួនទោះបីជាស្ថិតនៅក្នុងតំបន់ ឬស្ថានភាពណាក៏ ដោយគឺងាយ
ស្រួលជាងបច្ចេកវិទ្យាសព្វនេះទៀត។
គួរបញ្ជាក់ថា ពិធីប្រគល់ និងទទួលកុំព្យូទ័រយួរដៃនេះត្រូវបានធ្វើឡើងនាព្រឹក ថ្ងៃទី២៥ ខែមេសា ឆ្នាំ២០១៣ នៅព្រឹទ្ធសភាកម្ពុជាដោយមានការចូលរួមទទួលពី លោក អ៊ុំ សារិទ្ធ អគ្គលេខាធិការព្រឹទ្ធសភាកម្ពុជា និង
នាយកប្រតិបត្តិក្រុមហ៊ុនជប៉ុនCL.T.A.G Service& Trading Co.,Ltd. ៕
ដោយ៖សស្អាត