មួយរយៈពេលកន្លងទៅនេះ ខណៈពេលដែលទំនាក់ទំនងស្នេហារបស់តារាចម្រៀងប៉ុបវ័យក្មេង Justin Bieber និង Selena Gomez មានភាពរកាំរកូស គេឃើញ Justin តែងតែបង្ហោះរូបគេជាមួយនឹងតារាម៉ូដែល Barbara Palvin ដែលធ្វើឲ្យ Selena មានការប្រចណ្ឌខឹង ហើយក៏ស្រកគីឡូ។
ទំនាក់ទំនងស្នេហារវាងតារាវ័យក្មេងល្បីល្បាញទាំង ២ Justin Bieber និង Selena Gomez នេះ ហាក់បីដូចជាមិនទាន់មានភាពនឹងននៅឡើយទេ។ ថ្មីៗនេះមានសារព័ត៌មានមួយបានឲ្យដឹងថា Selena ឥឡូវនេះស្គមខ្លាំងដោយសារតែនាងពិបាកចិត្តរឿង Justin Bieber និងតារាម៉ូដែល Barbara Palvin ដែលតែងតែឃើញដើរជាមួយ Justin ជាញឹកញាប់។
ប្រភពបានប្រាប់សារព័ត៌មាន “ទំនាក់ទំនងស្នេហារបស់ Selena និង Justin បានធ្វើឲ្យនាងស្រកគីឡូហើយស្គមខ្លាំង។ នាងមិនព្រមញាំអីទេ ពីព្រោះនាងខឹងនឹង Justin ហើយនាងមានមន្ទិលនឹងភាពស្មោះត្រង់ដែល Justin មានចំពោះនាង។
នាង តប់ប្រមល់ខ្លាំងនៅពេលដែលដឹងថាថ្មីៗនេះ Justin បានបន្ថែមថ្ងៃដើម្បីប្រគំតន្ត្រីឲ្យបានច្រើន ហើយមិនមានពេលនៅជាមួយនាងទេ”។
ប្រភពក៏បានបន្ថែមទៀតថា តារាចម្រៀង និងសម្ដែងស្រី វ័យ ២០ឆ្នាំថែមទាំងបានប្រាប់ពីអ្វីដែលនាងចង់បានក្នុងទំនាក់ទំនង រវាងគេទាំង២នេះទៀតផង។
ដំណឹងល្អគឺ មុននេះព័ត៌មាន HollywoodLife.com បានឲ្យដឹងថា គូស្នេហ៍មួយគូនេះបានត្រូវគ្នាវិញហើយ ពីព្រោះគេបានឃើញតារាចម្រៀងប្រុសវ័យ ១៨ឆ្នាំនោះបង្ហោះរូបថត Selena នៅ Instagram។