ខេត្តក្រចេះ ៖ មន្ត្រីរដ្ឋបាលព្រៃឈើក្រចេះ បានបំពេញសំណុំរឿងតាមនីតិវិធីតាមមាត្រាទី៩៦ ស្តីពីច្បាប់ព្រៃ
ឈើ ក្រោយពីចាប់ឃាត់រថយន្តយីឌុបដឹកឈើក្រុមហ៊ុនចំនួន៥គ្រឿង និងរកឃើញថា មានផ្ទុកឈើលើស
ច្បាប់អនុញ្ញាតជិត៤០ម៉ែត្រគូប។
គួររំលឹកដែរថា រថយន្តយីឌុបដឹកឈើរបស់ក្រុមហ៊ុន ចំនួន៥គ្រឿង មានផ្ទុកឈើលេខ២ លើសជាច្រើន
ម៉ែត្រគូប ត្រូវបានកម្លាំងជំនាញផ្នែក និងសង្កាត់រដ្ឋបាលព្រៃឈើក្រចេះស្ទាក់ចាប់ឃាត់បានកាលពីយប់
ថ្ងៃទី១៣ មីនា កន្លងទៅនៅលើផ្លូវជាតិលេខ៧ ត្រង់ចំណុចថ្មកាំង ក្នុងឃុំគោលាប់ ស្រុកចិត្របុរី ក្រោយពី
សង្ស័យថា រថយន្តទាំងនេះមានផ្ទុកឈើអារលេខ២មិនមាន ភាពប្រក្រតីតាមចំនួនអនុញ្ញាតឲ្យដឹកជញ្ជូន។
រថយន្តដឹកឈើអារលេខ២ ទាំង៥គ្រឿងនេះ ត្រូវបានគេរាយការណ៍មកថា បានដឹកឈើទាំងនេះចេញ
ពីក្រុមហ៊ុនព្រៃវិនិយោគព្រៃសម្បទានមួយ មានទីតាំងនៅស្រុកអូរយ៉ាដាវ ខេត្តរតនៈគីរី នាំយកឆ្ពោះទៅ
កាន់ទីផ្សារចុងក្រោយតាមបណ្តា ដេប៉ូ នានានៅក្នុងប្រទេស។
ដកស្រង់ពីកោះសន្តិភាព
គិត មកទល់នឹងពេលនេះ គឺមានរយៈពេលជិតម្ភៃថ្ងៃមកហើយដែលរថយន្តធុនយក្សដឹកឈើទាំងនេះ ត្រូវ
បានមន្ត្រីជំនាញចាប់ឃាត់ និងនាំមករក្សាទុកនៅស្ថានីយបណ្តុះកូនឈើខ្សារ ភូមិខ្សារ ឃុំកន្ទួត ស្រុកចិត្រ
បុរី ដើម្បីធ្វើការវាស់វែង និងចាត់វិធានការក្រោយពីចាប់ឃាត់រួចនោះ។នាយផ្នែករដ្ឋបាលព្រៃឈើក្រចេះ
លោកព្រាប សុទ្ធារ៉ា បានឱ្យដឹងកាលពីព្រឹកថ្ងៃទី២៩ មីនា នេះថាក្រោយពីការចាប់ឃាត់វាស់វែងរួចមក
មន្ត្រីរដ្ឋបាល ព្រៃឈើបានរកឃើញថា រថយន្តទាំង៥គ្រឿងនេះ មានផ្ទុកឈើអារលេខ២លើសច្បាប់កំណត់
ឲ្យដឹកជញ្ជូនមានចំនួនជិត៤០ ម៉ែត្រគូប៕