សហរដ្ឋអាមេរិក៖ កាលពីថ្ងៃច័ន្ទម្សិលមិញ ការរញ្ជួយដីទំហំ ៤.៤ រ៉ិចទ័រ នៅក្នុងទីក្រុង Los Angeles នៃរដ្ឋ
Coliforniaគឺបានបណ្តាលអោយប្រជាជនជាច្រើននាក់មានការភ័យខ្លាចយ៉ាងខ្លាំង ក៏ប៉ុន្តែវាគឺមិនបានប៉ះពា
ល់ដល់អាយុប្រជាជនណាមួយឡើយ។ មន្រ្តីប៉ូលីសបានមានប្រសាសន៍ថា ការរញ្ជួយដីខាងលើនេះគឺ
បានកើតឡើងនៅចំងាយ ៩គីឡូម៉ែត្រពីទីក្រុង Los Angeles វេលាម៉ោង ១៣និង២៥នាទី ( ម៉ោងសកល)។
មន្រ្តីប៉ូលីសបានមានប្រសាសន៍បន្តទៀតថា ការរញ្ជួយដីខាងលើនេះគឺជាគ្រោះមហន្តរាយដ៏ខ្លាំងក្លាបំផុត
ដែលមិនធ្លាប់មានតាំងតែពីឆ្នាំ ១៩៩៤ មកម្លេះ។ លោក George McQuade បានមានប្រសាសន៍ប្រាប់អ្នក
សារព័ត៌មានថា នៅពេលមានការរញ្ជួយដីកើតឡើង គាត់និងប្រជាជនដទៃទៀតគឺមានអារម្មណ៍ភ័យខ្លាច
យ៉ាងខ្លាំង តែជាសំណាងល្អវាគឺមិនបានបណ្តាលអោយនរណាម្នាក់បានបាត់បង់ជីវិតឡើយ។ គួររំលឹក
ផងដែរថា កាលពី ៥ឆ្នាំមុន ការរញ្ជួយដីនៅក្នុងទីក្រុង San Francisco បានឆក់យកជីវិតមនុស្សចំនួន ៦៧
នាក់៕ ដោយ៖ តុលា