ភ្នំពេញៈ រដ្ឋាភិបាលអ៊ីតាលីតាមរយៈឯកអគ្គរដ្ឋទូតប្រចាំកម្ពុជាគ្រោងនឹងយាងព្រះករុ​ណា​ ព្រះប​រ​មនាថ ​នរោត្តម  សីហមុនី ចូលរួមពិព័រណ៍អន្តរជាតិឆ្នាំ២០១៥ដែលប្រារ​ព្ធធ្វើ​ក្នុងទីក្រុងមីឡង់។ ក្នុងជំនួបបិទទ្វា ​រវាងឯកឧត្តម អ៊ុច បូរិទ្ធិ រដ្ឋលេខាធិការក្រសួងការបរទេសនិងឯក​ឧត្តម MICHELANGELO PIPAN ឯកអគ្គ​ រដ្ឋទូតអ៊ីតាលីចប់អាណត្តិកាលពីព្រឹកមិញ​ ឯកអគ្គរដ្ឋទូតអ៊ីតាលី បានបង្ហើបអោយដឹងថា រដ្ឋាភិបាលរបស់ ​លោក នឹងធ្វើលិខិ​ត​ យាងព្រះករុណា ព្រះបរមនាថ នរោត្តម សីហមុនី ចូលរួមពិព័រណ៍ក្នុងពេលឆាប់ៗនេះ​។​

ប្រាប់អ្នកសារព័ត៌មានតាមរយៈឯកឧត្តម អ៊ុច បូរិទ្ធិ លោកបានបញ្ជាក់ថា វត្តមានរបស់ព្រះមហាក្សត្ររឺថ្នាក់កិច្ច ​សហប្រតិបត្តិការបន្ថែមទៀត កម្ពុជា-អ៊ីតាលី ។តាមសម្រង់សេចក្តីពីឯកអគ្គរដ្ឋទូតដោយឯកឧត្តម អ៊ុច បូរិទ្ធិ ​លោកបានមានប្រសាសន៍ថា«វត្តមានរបស់ព្រះករុណាជីវិតតម្កល់លើត្បូង​នៅក្នុងឱកាសពិព័រណ៍អន្តរជាតិនេះ ​គឺជាវត្ត​មានដ៏សំខាន់ណាស់ក្នុងការជំរុញកិច្ចសហប្រតិបត្តិការ មិត្តភាពប្រទេសយើងទាំងពីរ»។ ​ឯកឧត្តម​បន្ត​ថា ក្នុងព្រឹត្តិការពិព័រណ៍នោះ នឹងមានរៀបចំកិច្ចប្រជុំប្រទេសផលិតស្រូវធំ​ៗ ក្នុងនោះក៏មា​ន​​កម្ពុជា​ផងដែរ។ បើ​​តាម ឯកឧត្តមរដ្ឋលេខាធិការដដែល បានបន្ថែមថា កិច្ចប្រជុំនោះនឹងមានការផ្លាស់ប្តូរបទពិសោធន៍ ពីការផលិត​​ស្រូវ និងការនាំអង្ករចេញទៅលក់នៅក្រៅប្រទេសទៀតផង ។​

ក្នុងកិច្ចពិភាក្សានោះដែរ ឯកឧត្តម បានស្នើអោយរដ្ឋាភិបាលអ៊ីតាលីបន្តជួយលើ គម្រោងអភិវឌ្ឍន៍ទំបន់ទឹក កំ​​ពីង​​​ពួយក្នុងខេត្តបាត់ដំបងប​ន្ត​ទៀត ដើម្បីជួយបង្កភាពងាយស្រួលដ​ល់​កសិករក្នុងការប្រកបរបរ​កសិកម្មដំណាំ​​ស្រូវ ព្រោះវាជាវិស័យលើកស្ទួយសេដ្ឋកិច្ចកម្ពុជា ជាមួយគ្នានេះសំណើរសុំអោយអ៊ីតាលីជួយថែ​ទាំសុខភាព​​សត្វ​​​​ពាហនៈក៏ត្រូវបានភាគីកម្ពុជាលើកឡើងផងដែរ។គួរបញ្ជាក់ថា ប្រទេសអ៊ីតាលី បានភ្ជាប់ទំនាក់ទំនង​ការ​​ទូត​​ជាមួយប្រទេសកម្ពុជាតាំងពីឆ្នាំ១៩៥១មកម្លេះ ប៉ុន្តែចំណងការទូតនេះ ត្រូវបានផ្តាច់ទៅវិញ​ក្នុងសម័យ​​ប៉ុលពត​ និងបានភ្ជាប់ទំនាក់ទំនងការទូ​តឡើងវិញក្នុងឆ្នាំ១៩៩២ ៕ ដោយ ៖ រតនា​