នេះបើតាមការឲ្យដឹងពីលោក ទា ច័ន្ទលីដា ប្រធានក្រុមការងារបច្ចេកទេសសាងសង់វិមានស្តូបអនុស្សាវរីយ៍២ធ្នូ នៅក្នុងកិច្ច​ប្រជុំ​ គណៈកម្ម​ការសាងសង់កាលពីព្រឹកថ្ងៃទី២៧ ខែតុលាកន្លងទៅថ្មីនេះ ក្រោមវត្តមាន សម្តេចអគ្គមហាពញាចក្រី ហេង សំរិន​ ប្រ​ ធាន​​រដ្ឋសភានៃព្រះរាជាណាចក្រកម្ពុជា និងជាប្រធានគណៈកម្មការសាងសង់វិមានអនុស្សាវរីយ៍២ធ្នូ និងមានការអញ្ជើញចូលរួម​ ពិនិត្យពីសម្តេចជហ្វាវាំង គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង និងជាអនុប្រធានគណៈកម្មការសាង់​ស​ង់​ វិមានអនុស្សាវរីយ៍២ធ្នូ ព្រមទាំងមានការចូលរួមពីថ្នាក់ដឹកនាំក្រសួង ស្ថាប័ន និងមន្រ្តីពាក់ព័ន្ធជាច្រើននាក់ទៀត ។ 

ដំណើរ​អញ្ជើញ​​របស់ប្រមុខដឹកនាំរដ្ឋសភាថ្ងៃនោះ ក្នុងបំណងត្រួតពិនិត្យការងារសាងសង់វិមានអនុស្សាវរិយ៍២ធ្នូ និងជំរុញការងារ​​ ស្ថាបនា​បន្ត​​ដើម្បីបញ្ចប់ការសាងសង់ឲ្យបានរួចរាល់ទៅតាមការគ្រោងទុក និងត្រៀមបើកសម្ពោធជាផ្លូវការនៅចំថ្ងៃ ប្រារព្វ​មហា​ ​មិទិ្ទញ​អបអរសាទរខួបអនុស្សារីយ៍លើកទី៣៥ ទិវាបង្កើតរណសិរ្ស២ខែធ្នូ ឆ្នាំ២០១៤នាពេលខាងមុខនេះ។លោក ទា ច័ន្ទលីដា​ បានឲ្យដឹងទៀតថា តាមគម្រោង ការសាងសង់ស្តូបវិមានអនុស្សាវរីយ៍២ធ្នូនេះបាន​អនុម័តលើទំហំ​ទឹកប្រាក់​ចំនួន ៣.៣៩៨.១៦៧  ​ដុល្លារអាមេរិក ក្នុងនោះការងារឈូសឆាយ ជីកកាយ ចាក់បំពេញ កៀរកិន ពង្រាប និងបង្ហាប់ដីចំនួន ៤៤០. ០១៣ដុល្លារអាមេរិក ​(ក្នុងតួលេខនេះមានតម្លៃការងារបន្ថែមលើកិច្ចសន្យាចំនួន ១១៥.៥៦៣ដុល្លារអាមេរិក)។ការងារសិក្សាគម្រោងប្លង់និងសាង ​សង់​​វិមានអនុស្សាវរីយ៍ ២ធ្នូ ចំនួន ២.៩៣៩.៥៩២ដុល្លារអាមេរិក និងសំណង់វេទិកា និង​អា​ស្រម​នៅទីតាំងដើមចំប៉ា ដែលក្រុម​​ហ៊ុន​​វិសប៉ាន់ជួយសិក្សាគម្រោងប្លង់និងសាងសង់។ ចំណែកការងារសាងសង់បង្គោល និង​តម្លើង​ផ្ទាំងរូបភាពវិមានអនុស្សាវរីយ៍​​អស់​ចំនួន១៨.៥៦០ដុល្លារអាមេរិក។

លោកបញ្ជាក់ថា សម្រាប់កិច្ចការបន្ត ក្រុមការងារក៏នឹងគ្រោងស្នើថវិកាបន្ថែមសម្រាប់សាងសង់ដែលក្នុងនោះបានបែងចែក​កាងារ​ ជាពីរផ្នែកគឺការងារដែលត្រូវធ្វើមុនពិធីប្រារព្វមិទ្ទិញអបអរខួបអនុស្សាវរីយ៍លើកទី៣៥និងការងារដែលត្រូវធ្វើបន្ទាប់ពីប្រារព្វពិធីរួច ។ ចំពោះការងារដែលត្រូវធ្វើបន្តរួមមាន ការកសាង និងតម្លើងរូបចម្លាក់យុទ្ធជន យុទ្ធនារី២នាក់ ធ្វើពីស្ពាន់ កំពស់៣ម៉ែត្រ ចំនួន​  ០១ ​ការតម្លើងស្លាកសញ្ញា (Logo) រណសិរ្សធ្វើពីស្ពាន់ដែលមានអង្កត់ផ្ចិត៣ម៉ែត្រចំនួន០២ ការងារផលិតនិងតម្លើងចម្លាក់​ផុស​ ​ ធ្វើ​អំពីថ្មភក់ ដែលបង្ហាញពីសកម្មភាព និងចលនារបស់ប្រជាជន ក្នុងការកសាង ការពារ និងរំដោះប្រទេសជាតិ ទំហំ ២,៥ម៉ែត្រ ​   គុណ ៣ម៉ែត្រ ចំនួន ០៦ផ្ទាំង ការងារផលិត និងតម្លើងរូបចម្លាក់ទ្វារបាលធ្វើពីបេតុងកំពស់ ២,៦ម៉ែត្រ  ចំនួន ០៨ផ្ទាំង និងជើង​​    ទម្រកំពស់ ២,៣៥ម៉ែត្រ ចំនួន ០៨ សម្រាប់ដាក់សងខាងជណ្តើរឃឿនវិមាន ការងារអំពូលភ្លើងបំភ្លឺសុវត្ថិភាពចរាចរតាម​ផ្លូវ​ អាកាស​ដោយប្រើពន្លឺព្រះអាទិត្យ ការងារប្រព័ន្ធបង្ហូរទឹកភ្លៀងលើតួវិមាន ការងារការពារជម្រាបទឹកក្នុងសួនដាំស្មៅលើឃឿនវិមាន​  ការងារបិទតំណរីករួមលើតួវិមាន ការងារក្រាលបន្ទះថ្មក្រានីតនៅនីវ៉ូផ្ទាល់ដីអមសងខាងស្ពានដែលភ្ជាប់ឃឿនតូចទៅឃឿនធំ ​ការងារផ្នែកបណ្តាញអគ្គិសនីលើតួវិមាន ការងារដាំស្មៅជុំវិញតួវិមាន និងការងារផលិតវត្ថុអនុស្សាវរីយ៍ស្លាកសញ្ញារណៈសិរ្ស ​ធ្វើអំពីស្ពាន់ទំហំ ០,២ម៉ែត្រ។​ដោយឡែក ចំពោះការងារដែលត្រូវធ្វើបន្ទាប់ពីធីប្រារព្វខួបលើកទី៣៥ ទិវារណៈសិរ្ស២ធ្នូរួមមាន ការ​ក្រាលកម្រាល និងធ្វើចិញ្ចើម​នៅ​តាម​សួន និងចំណតរថយន្ត ការងាររៀបចំបណ្តាញរំដោះទឹកភ្លៀងចេញពីសួន និង​ចំណត​រថយន្ត ការងាររៀបចំប្រព័ន្ធស្រោច​ស្រពសួន ការងារធ្វើផ្លូវកៅស៊ូខាងលិច និងខាថត្បូងតួវិមាន ការងារធ្វើផ្ទៃរឹងទី​ធ្លាជុំវិញវិ​មាន​អំពីដីក្រហម និងសារធាតុផ្សំ ការងារ​​រៀប​ចំប្រព័ន្ធលូបង្ហូរទឹកភ្លៀងឆ្លងកាត់ភូមិជើងឃ្លូឆ្ពោះទៅអូរ ការងារធ្វើអាងស្តុកទឹក និង​អណ្តូង​​ទឹកសម្រាប់ការ​ប្រើប្រាស់​របស់​​វិមាន ការងារផ្នែកបណ្តាញអគ្គិសនី និងការបំភ្លឺសម្រាប់បរិវេណជុំវិញតួវិមាន ការងារ​ធ្វើ​ជណ្តើរក្នុងតួវិមានសម្រាប់ការជួសជុល ​ការងារដាំស្មៅនៅតាមជើងទេរ និងដាំដើមឈើនៅបរិវេណជុំវិញវិមាន ការងារផលិត និង​តម្លើងដងទង់ជាតិអមសងខាង​ស្ពាន​​ដែល​​ភ្ជាប់ឃឿនតូចជាមួយឃឿនធំ និងការងារសាងសង់បង្គន់អនាម័យជាដើម។​​

​នៅ​​​​​ថ្ងៃ​​ដដែលនោះ សម្តេចប្រធានរដ្ឋសភានិងប្រតិភូបានអញ្ជើញទៅជួបសំណេះ​សំណាលនិងចែកអំណោយ​ជូនកម្មករសាងស​ង់​​​វិមាន​អនុស្សាវរីយ៍២ធ្នូ ព្រមទាំងបានអញ្ជើញត្រួតពិនិត្យការការងារសាងសង់វិមានអនុស្សាវរីយ៍យ៉ាងយកចិត្តទុកដាក់ទៀតផង។​​​​

សូមបញ្ជាក់ថា ការស្ថាបនាវិមានអនុស្សាវរីយ៍រណសិរ្ស២ធ្នូនេះ គឺជាការរំលឹកទៅដល់វិញ្ញាណក្ខន្ធអ្នកស្នេហាជាតិ អ្នក​សង្គ្រោះ​​​​​ជាតិ និងរំលឹកទៅដល់ថ្ងៃបង្កើតរណសិរ្សសាមគ្គីសង្គ្រោះជាតិនាឆ្នាំ១៩៧៨ វាយរំលំរបបប្រល័យពូជសាសន៍ និងរួមធ្លុងសាមគ្គី​​​​​ជាតិ​កសាងអភិវឌ្ឍន៍ប្រទេសឲ្យទទួលបាននូវសុខសន្តិភាពព្រមទាំងការអភិវឌ្ឍន៍រហូតមកដល់សព្វថ្ងៃនេះ៕  ដោយ៖ សស្អាត​ ​​