ប្រទេសកូរ៉េខាងជើងប្រកាសកាលពីថ្ងៃទី៣០ មីនាថា ខ្លួនស្ថិតក្នុងស្ថានភាពសង្គ្រាមជាមួួយកូរ៉េខាងត្បូង
ដែលនោះជាការគំរាមកំហែងថ្មីមួយដែលក្រុងវ៉ាស៊ីនតោន ក្រុងមូស្គូ ក្រុងប៊ែរឡាំង និងក្រុងប៉ារីស មានការ
ចាប់អារម្មណ៍ខ្លាំង ក៏ប៉ុន្តែបែរជាសម្រាលដោយក្រុងសេអ៊ូល ។
ក្នុងសេចក្តីប្រកាសរួមមួយដល់គ្រប់ស្ថាប័ន រដ្ឋាភិបាលកូរ៉េខាងជើងនិយាយថា ចាប់ពីពេលនេះទៅ បណ្តា
ទំនាក់ទំនងអន្តរកូរ៉េស្ថិតក្នុងស្ថានភាពនៃសង្គ្រាម ហើយគ្រប់បញ្ហាទាំងអស់រវាងកូរ៉េទាំង២នឹងត្រូវចាត់ទុក
យោងទៅ តាមពិធីការនៃពេលសង្គ្រាមមួយ ។
សេចក្តីប្រកាសនោះផ្សាយដោយទីភ្នាក់ងារព័ត៌មាន ផ្លូវការកូរ៉េខាងជើងKCNA គូសបញ្ជាក់ថា សភាពការណ៍
រយៈពេលយ៉ាងយូរដែលឧបទ្វីបកូរេ៉ស្ថិតក្នុងស្ថានភាព គ្មានសង្គ្រាម និងគ្មានសន្តិភាពបានបញ្ចប់ហើយ ។
ការប្រកាសនេះរបស់ក្រុងព្យុងយ៉ាងដែលជាការ ប្រកាសចុងក្រោយមួយរហូតមកទល់ពេលនេះ ធ្វើឡើងបន្ទាប់
ពីការគំរាមកំហែងមួយចំនួនរបស់កូរ៉េខាងជើង ។ សហរដ្ឋអាមេរិកប្រកាសភ្លាមៗថា ខ្លួនចាប់អារម្មណ៍ខ្លាំង
ចំពោះការគំរាមកំហែងថ្មីៗទាំងនេះ ។ លោកស្រី CAITLIN HAYDON អ្នកនាំពាក្យរបស់ក្រុមប្រឹក្សាសន្តិសុខ
ជាតិអាមេរិកនិយាយថា យើងបានតាមដានព័ត៌មានទាំងឡាយលើសេចក្តីប្រកាសមិនស្ថាបនាថ្មី របស់កូរ៉េខាង
ជើង ។ យើងចាប់អារម្មណ៍ខ្លាំងចំពោះការគំរាមកំហែងទាំងនោះ ហើយយើងនៅតែទាក់ទងយ៉ាងជិតស្និទ្ធ
ជាមួយសម្ព័ន្ធមិត្តកូរ៉េខាង ត្បូងរបស់យើង ។ យើងក៏ធ្វើការកត់សម្គាល់ដែរថា កូរ៉េខាងជើងមានប្រវត្តិប្រើវោ
ហាសាស្ត្រប្រទូស្តរ៉ាយ និងគំរាមកំហែងតាំងតែពីយូរមកហើយ តែការប្រកាសនាពេលនេះជាការគំរាមកំហែង
ខ្លាំងក្លាមួយ ។ លោកស្រីបន្តថា សហរដ្ឋអាមេរិកមានលទ្ធភាពគ្រប់គ្រាន់ការពារខ្លួន និងការពារបណ្តាសម្ព័ន្ធ
មិត្តនៅអាស៊ី ។ យើងបន្តចាត់វិធានការនានាបន្ថែមទៀតប្រឆាំងការគំរាមកំហែងរបស់ កូរ៉េខាងជើង រួចផ្នែក
មួយនៃផែនការរបស់យើង គឺបង្កើនចំនួនយន្តហោះស្ទាក់កម្ទេចនៅលើដែនដីអាមេរិក ព្រមទាំងបណ្តារ៉ាដា ។
ម៉្យាងវិញទៀត ក្រុងព្យុងយ៉ាងបានគំរាមកាលពីថ្ងៃទី៣០ មីនា បិទតំបន់ឧស្សាហកម្មរួមកាអឹសុង ជាតំបន់កិច្ច
សហប្រតិបត្តិការសេដ្ឋកិច្ច និងឧស្សាហកម្មរវាងកូរ៉េទាំង២ ។
ដកស្រង់សំដីដោយ KCNA អាជ្ញាធរកូរ៉េខាងជើងព្រមានថា យើងនឹងបិទដោយគ្មានការរារែកនូវទីតាំង
ឧស្សាហកម្មនោះ ប្រសិនបើកូរ៉េខាងត្បូងសាកល្បងធ្វើឱ្យប៉ះពាល់ដល់ភាពថ្លៃថ្នូរ របស់យើង ទោះជាក្នុង
លក្ខណៈស្រាលមួយក៏ដោយ ។
សួនឧស្សាហកម្មរួមនោះ បង្កើតឡើងនៅតំបន់មួយស្ថិតក្នុងជម្រៅ១០គីឡូម៉ែត្រ ខាងក្នុងដែនដីកូរ៉េខាងជើង
តាំងពីឆ្នាំ២០០៤មកក្នុងឆន្ទៈជា និមិត្តរូបនៃការបង្កើតកិច្ចសហប្រតិបត្តិការមួយរវាងកូរ៉េទាំង២ ហើយតំណាង
ឱ្យការជួយផ្គត់ផ្គង់រូបិយប័ណ្ណសំខាន់សម្រាប់ក្រុង ព្យុងយ៉ាង។
កូរ៉េទាំង២តាមលក្ខណៈបច្ចេកទេសនៅតែស្ថិត ក្នុងលក្ខណៈសង្គ្រាមជានិច្ច ពីព្រោះសង្គ្រាមកូរ៉េ១៩៥០-
១៩៥៣ បានបញ្ចប់ត្រឹមតែតាមរយៈការចុះហត្ថលេខាលើយុទ្ធសន្តិភាពមួយ ប៉ុណ្ណោះ ពុំមែនតាមរយៈសន្ធិ
សញ្ញាសន្តិភាពមួយឡើយ ។
កូរ៉េខាងជើងមុននេះប្រកាសថា ខ្លួនលុបចោលយុទ្ធសន្តិភាពនោះ និងសន្ធិសញ្ញាទ្វេភាគីដទៃៗទៀតដែលចុះ
ហត្ថលេខាជាមួយក្រុងសេ អ៊ូល ដើម្បីតវ៉ាប្រឆាំងនឹងសមយុទ្ធយោធារួមកូរ៉េខាងត្បូង និងសហរដ្ឋអាមេរិក ។
ក្រសួងការពារប្រទេសកូរ៉េខាងត្បូងនិយាយថា ពុំមានចលនាកងទ័ពពិសេសណាមួយត្រូវបានកត់សម្គាល់
ឃើញនៅជិតព្រំដែនឡើយ ។
សេច ក្តីប្រកាសរបស់កូរ៉េខាងជើងក៏ព្រមានផងដែរថា រាល់ការបង្កហេតុខាងយោធាជិតព្រំដែនគោក ឬសមុទ្រ
រវាងកូរ៉េទាំង២ នឹងនាំឱ្យមានសង្គ្រាមទាំងស្រុងមួយ និងជម្លោះនុយក្លេអ៊ែរ ។
ពួកអ្នកសង្កេតការណ៍ភាគច្រើនយល់ថា ការគំរាមកំហែងទាំងនោះ គ្រាន់តែជាវោហារសាស្ត្រសុទ្ធសាធ ហើយ
ថានឹងពុំមានការប៉ះទង្គិចគ្នាជាក់ស្តែងឡើយ តែរកថាពុំត្រូវដែរ ព្រោះជួនកាលរឿងតូចមួយអាចកើតមានអ្វីមួយ
យ៉ាងឆាប់រហ័ស ។
ចិន និងរុស្ស៊ី កាលពីថ្ងៃទី២៩ មីនា បានស្នើដល់បណ្តាភាគីឱ្យរួមសហការគ្នាបង្ការចំពោះការស្រុត ចុះនៃសភាព
ការណ៍ដោយរដ្ឋមន្ត្រីការបរទេសរុស្ស៊ី លោកស័រហ្គេយឡាវរ៉ូវ សម្តែងការព្រួយបារម្ភពិសេសមួយ ៕
ដកស្រងពីកោះសន្តិភាព