ភ្នំពេញៈ អ្នកនាងយុគចិន្តាតែងតែប្រើប្រាស់ពេលវេលាជារៀងរាល់ឆ្នាំ ដើម្បីចាកចេញពីស្រុកខ្មែរចេញទៅសហរដ្ឋអាមេរិកនាឱកាសចូលឆ្នាំខ្មែរម្តងៗដើម្បីបានសម្រាកកាយនិងឆ្លៀតចេញទៅមើលមុខរបរមួយចំនួនដែលពិធីការិនីឆ្នើមរូបនេះបានដំណើរការយូរមកហើយ។ជាក់ស្តែងសម្រាប់ឆ្នាំ២០១៤នេះក្នុងឱកាសបុណ្យចូលឆ្នាំថ្មីជិតចូលមកដល់អ្នកនាងយុគ ចិន្តាក៍មានផែនការចាកចេញទៅអាមេរិកលើកនេះមួយគ្រាទៀតដែរដោយដំណើរឆ្លងអាកាសលើកនេះអ្នកនាងនឹងចាកចេញទៅនៅក្នុងអំឡុងខែមីនានេះហើយក្នុងបំណងទៅមើលខុសត្រូវការងារនៅទីនោះដូចរាល់ដង។
ដោយសារតែអ្នកនាងយុគចិន្តាជាប់រវល់ការងារច្រើនពេកនិងជាប់មានគម្រោងចេញទៅអាមេរិកមួយរយៈនោះទើបចិន្តា បានរៀបចំកម្មវិធីថតពិធីបុណ្យចូលឆ្នាំប្រពៃណីជាតិខ្មែរយ៉ាងតក់ក្រហល់ដោយប្រមូលផ្តុំដោយតារាជាច្រើនដួងមកជួបជុំគ្នាយ៉ាងសប្បាយក្នុងន័យបង្កបរិយាកាសនៃឱកាសចូលឆ្នាំខ្មែរ។ចុងខែកុម្ភៈមុននេះអ្នកនាងយុគ ចិន្តាបានសម្តែងនូវអារម្មណ៍សប្បាយរីករាយព្រោះឃើញមានទឹ កមុខស្រស់ស្រាយនិងថែមទាំងនិយាយលេងសើចច្រើនហើយថែមទាំង បានឡើងរាំតាមចង្វាក់ភ្លេងប្រពៃណីជាតិខ្មែរនាគ្រានោះជាមួយសិល្បករជាច្រើនដើម្បីចែកចាយរូបភាពសប្បាយៗដល់អ្នកទស្សនានាឱកាសបុណ្យចូលឆ្នាំខាងមុខនេះ។
អ្នកនាងយុគ ចិន្តាបានប្រាប់ឲ្យដឹងថា ឆ្នាំ២០១៤នេះ អ្នកនាងអត់លុបចោលគម្រោងធ្វើដំណើរទៅអាមេរិកដើម្បីសួរសុខទុក្ខម្តាយនិងមើលមុខរបរហាងនៅទីនោះទេពោលនៅតែឆ្លៀតពេលព្រោះនេះជាទំលាប់របស់នាង។ អ៊ីចឹងហើយទើបឆ្នាំនេះយើងរៀបចំកម្មវិធីថតបុណ្យចូលឆ្នាំរៀងលឿនជាងមុនដល់ទៅ១ខែជាងដើម្បីឲ្យការងារផ្សេងៗរបស់នាងអាចដំណើរការបានតាមការគ្រោងទុកមិនតក់ក្រហល់។
ជាទំលាប់នាងដ្បិតតែមិនមានឱកាសបានចូលឆ្នាំក្នុងស្រុកខ្មែរតែឲ្យតែជិតមកដល់គឺនាំបុគ្កលិកមិត្តរួមការងារ និងសិល្បករទាំងអស់មកជួបជុំគ្នារាំច្រៀងក្នុងពិធីបុណ្យ ចូលឆ្នាំជាប្រចាំមិនអាក់ខានទេដើម្បីបានអបអរនិងតែងតែឡើងរាំទុកមុនដើម្បីឲ្យបងប្អូនបានទស្សនាពិសេសពេលទៅអាមេរិកអាចនិងបានឃើញរូបភាពនេះគឺនាងនិងបងប្អូននៅទីនោះពិតជាសប្បាយចិត្តជាមិនខាន៕ ដោយ៖ ភីន រ៉ា