រាជធានីភ្នំពេញ៖ បើតាមរបាយការណ៍របស់អគ្គស្នងការនគរបាលជាតិនៃក្រសួងមហាផ្ទៃបានឲ្យដឹងថាកាលពីថ្ងៃទី៥ ខែមេសា ឆ្នាំ២០១៤ ករណីគ្រោះថ្នាក់ចរាចរណ៍នៅទូទាំងប្រទេសបានកើតឡើងចំនួន ១៤ លើក (យប់ ០៦ លើក), និងមានមនុស្សស្លាប់ ៨ នាក់ និងរបួសធ្ងន់ ០៨ នាក់ (ស្រី ០៣ នាក់)និងរបួសស្រាល១០នាក់(ស្រី៥នាក់)។
នៅក្នុងហេតុការណ៍គ្រោះថ្នាក់ចរាចរណ៍ទាំង១៤លើកនេះ បានបង្កឲ្យខូចខាតយានយន្តសរុប ១១ គ្រឿង ក្នុងនោះម៉ូតូ ១៣ គ្រឿង, រថយន្តធុនតូច ០៦ គ្រឿង, រថយន្តធុនធំ ០២ លើកនិង យានផ្សេងៗ ០៣ គ្រឿង ។ប្រភពខាងលើឲ្យដឹងបន្ត ទៀតថាមូលហេតុ ដែលបណ្តាលឲ្យមានគ្រោះថ្នាក់ គឺបណ្តាលមកពីល្បឿន ០៦ លើក, មិនគោរពសិទ្ធ ០២ លើក, ប្រជែងគ្រោះថ្នាក់ ០១ លើក, មិនគោរពប្រកាន់ស្តាំ ០២លើក,និងស្រវឹង៣លើកក្នុងនោះជិះម៉ូតូគ្រោះថ្នាក់មិនពាក់មួក១៣នាក់(យប់០៥នាក់)។
រថយន្តដែលត្រូវផាកពិន័យ នៅអង្គភាពប្រចាំថ្ងៃ ទី០៥ ខែមេសា ឆ្នាំ២០១៤នេះ សរុបចំនួន ៥១៦ គ្រឿងក្នុងនោះមាន រថយន្តទេសចរណ៍គ្រួសារ ៣១ គ្រឿង, រថយន្តដឹកដំណើរធុនតូច ១៦២ គ្រឿង,រថយន្តដឹកដំណើរធុនធំ១៥ គ្រឿង, រថយន្តដឹកទំនិញធុនតូច ១០៥ គ្រឿង,រថយន្តដឹកទំនិញធុនធំ២០៣គ្រឿង។
រថយន្តទាំងអស់ត្រូវបានបង់ប្រាក់ពិន័យរួចនៅស្នងការដ្ឋាននគរបាលខេត្ត៥១៦ គ្រឿង។ខេត្តដែលបានអនុវត្តត្រួតពិនិត្យ ល្បឿន ៖ ខេត្តកំពង់ស្ពឺ ពោធិ៍សាត់និងស្វាយរៀង(មាន០៣គោលដៅ)៕ ដោយ៖ អភិរក្ស