ភ្នំពេញ៖ទូតជប៉ុនប្រចាំកម្ពុជាចង់ឲ្យមានការបង្កើននូវកិច្ចសហប្រតិបត្តិការឲ្យកាន់តែខ្លាំងក្លា ថែមទៀត
រវាងដំណើរទស្សនកិច្ចក្រុមមិត្តភាពសភាជប៉ុន-កម្ពុជាតាមរយៈការធ្វើដំណើរទស្សនកិច្ចពីក្រុមសភាកម្ពុជា
ទៅកាន់ប្រទេសជប៉ុននិងពីក្រុមសភាជប៉ុនមកធ្វើទស្សនកិច្ចនៅកម្ពុជា។
លោកគួម៉ាម៉ារ៉ូយូជិ(KUMAMARU Yuji) ទូតជប៉ុនប្រចាំកម្ពុជាបានថ្លែងបែបនេះ ក្នុងជំនួបទ្វេភាគីជាមួយស
ម្តេច ហេង សំរិន ប្រធានរដ្ឋកម្ពុជានៅព្រឹកថ្ងៃទី៦ ខែឧសភា ឆ្នាំ២០១៣នេះ នាវិមានរដ្ឋសភា។
ប្រធានឧុទ្ទកាល័យសម្តេចប្រធានរដ្ឋសភាលោក គាំម កុសល បានមានប្រសាសន៍ប្រាប់ក្រុមអ្នកសារព័ត៌
មាននៅក្រោយជំនួបនោះថាលោក គួម៉ា ម៉ារ៉ូយូជិ បានសម្តែងនូវការប្តេជ្ញាចិត្តធ្វើយ៉ាងណាឲ្យទំនាក់ទំនង
កិច្ចសហប្រតិបត្តិការរវាងជប៉ុន-កម្ពុជាឲ្យមានការរីកចម្រើនលើគ្រប់វិស័យ។ម្យ៉ាងក្នុងអាណត្តិការទូតរបស់
លោកនឹងខិតខំធ្វើយ៉ាងណាឲ្យទំនាក់ទំនងរវាងសភាជប៉ុន-កម្ពុជាកាន់តែមានលក្ខណៈ ល្អប្រសើរឡើង
បន្ថែមទៀត។
លោកបន្តថាចំពោះទំនាក់ទំនងរវាងសភាប្រទេសទាំងពីរគឺសភាជប៉ុន-កម្ពុជាហើយលោកបានសំណូមពរ
សុំឲ្យមានការបង្កើនកិច្ចសហប្រតិបត្តិការឲ្យកាន់តែខ្លាំងក្លា ដោយមានដំណើរទស្សនកិច្ចរបស់ក្រុមមិត្ត
ភាពសភាប្រទេសទាំងពីរគឺកម្ពុជាទៅជប៉ុនហើយខាងភាគីជប៉ុននឹងមកកម្ពុជាឲ្យបានកាន់តែញឹកញាប់។
សម្តេចប្រធានរដ្ឋសភាកម្ពុជាបានមានប្រសាសន៍ជឿជាក់យ៉ាងមុតមាំថាអាណត្តិការទូតរបស់លោកនឹង
បន្តសហការល្អជាមួយស្ថាប័ននីតិបញ្ញត្តិស្ថាប័ននីតិប្រតិបត្តិព្រមទាំងបណ្តាក្រសួងនានារាជធានីខេត្តក្រុង
ទូទាំងប្រទេសកម្ពុជាដើម្បីជំរុញឲ្យទំនាក់ទំនងចំណងសាមគ្គីភាពមិត្តភាពពិសេសនិងកិច្ចសហប្រតិបត្តិ
ការទ្វេភាគីរវាងប្រជាជននិងប្រទេសទាំងពីរកម្ពុជា-ជប៉ុនឲ្យកាន់តែល្អប្រសើរនិងរឹងមាំខ្លាំងក្លាឡើងឥត
ឈប់ឈរ៕
សស្អាត