ភ្នំពេញ៖ គិតមកដល់ដើមឆ្នាំ២០១៣នេះ អង្គការមូលនិធិអាស៊ី បានផ្តល់ហិរញ្ញប្បទានប្រមាណជាង ៣,៤លាន
ដុល្លារអាមេរិក ជូនអង្គការសង្គមស៊ីវិលចំនួន៤៤ គ្របដណ្តប់នៅក្នុងខេត្ត២២និងគាំទ្រកំណែទម្រង់ជាអាទិភាព
ទាំង៥នៅប្រទេសកម្ពុជា។
រដ្ឋលេខាធិការក្រសួងមហាផ្ទៃនិងជាអ្នកសម្របសម្រួលគម្រោងអភិបាលកិច្ចល្អមូលដ្ឋាន លោក ងី ច័ន្ទ្រផល
បានលើកឡើងនៅក្នុងពិធីសម្ពោធដាក់ឲ្យប្រើប្រាស់មជ្ឈមណ្ឌលសិក្សាស្រាវជ្រាវអភិបាលកិច្ច នៅ ថ្ងៃ ទី១១
ខែមិថុនា ឆ្នាំ២០១៣ នាទីស្តីការក្រសួងមហាផ្ទៃ ថាចំពោះការគាំទ្រកំណែទម្រង់ជាអាទិភាពទាំង៥នោះរួមមាន
ទី១.កំណែទម្រង់ច្បាប់ និងប្រព័ន្ធយុត្តិធម៌, ទី២.កំណែទម្រង់ការគ្រប់គ្រងធនធានធម្មជាតិ, ទី៣.កំណែទម្រង់
រដ្ឋបាលសាធារណៈ, ទី៤.កំណែទម្រង់ហិរញ្ញសាធារណៈនិងទី៥កំណែទម្រង់វិមជ្ឈការ និងវិសហមជ្ឈការ។
លោក ងី ច័ន្ទ្រផល បានបន្តថា ក្រៅពីនេះអង្គការសង្គមស៊ីវិលមួយចំនួនទៀតក៏បានទទួលហិរញ្ញប្ប ទានពីគម្រោងក្នុងការកសាងសមត្ថភាពក្នុងការបណ្តុះបណ្តាលដល់ប្រជាពលរដ្ឋក្រុមប្រឹក្សាឃុំ-សង្កាត់ លើការងារ
អភិបាលកិច្ចមូលដ្ឋានមានការផ្តល់សិទ្ធិអំណាចនិងពង្រឹងភាពជាម្ចាស់ ភាពអង់អាចក្លាហានរបស់ប្រជាពល
រដ្ឋការពិនិត្យតាមដាន ការផ្តល់សេវាសុខភាពសេវាអប់រំដើម្បីលើកកម្ពស់ការផ្តល់សេវាសាធារណៈប្រព្រឹត្ត
ទៅមានប្រសិទ្ធភាពខ្ពស់ជាការឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋនៅមូលដ្ឋានផងដែរ។
ថ្លែងនៅក្នុងឱកាសនោះដែរ លោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ មានប្រសាសន៍ថា
ដើម្បីបង្កើនលទ្ឋភាពរបស់ប្រជាពលរដ្ឋក្នុងការទទួលបាននូវតម្រូវការអភិបាលកិច្ចល្អក្នុងវិស័យសាធារណៈ
មួយចំនួនតាមរយៈ ការពង្រឹងស្ថាប័នរដ្ឋនិងស្ថាប័នមិនមែនរដ្ឋ ការគាំទ្រភាពជាដៃគូ និងការចែករំលែកមេ
រៀន និងបទពិសោធន៍គ្នាទៅវិញទៅមកក្នុងការជម្រុញ ឲ្យមានការអនុវត្តការងារកាន់តែមានប្រសិទ្ឋិភាព
តម្លាភាព គណនីយភាពនិងការឆ្លើយតបទៅនឹងតម្រូវការប្រចាំថ្ងៃរបស់ប្រជាពលរដ្ឋឲ្យកាន់តែល្អប្រសើរ
ជាងមុន និងកាត់បន្ថយគម្លាតរវាងអជ្ញាធរនិងប្រជាពលរដ្ឋឲ្យកាន់តែជិតស្និតឡើងដើម្បីរួមចំករក្សាកំណើ
នសេដ្ឋកិច្ចនិងការកាត់បន្ថយភាពក្រីក្រជូនប្រជាជន៕
ដោយ៖ សុវណ្ណរ័ត្ន