ភ្នំពេញ៖ ការផ្លាស់ប្តូរ បទពិសោធន៍ព័ត៌មានរវាងទូរទស្សន៍ជាតិកម្ពុជា (ទ.ទ.ក.) និងទូរទស្សន៍ថៃ (MCOT)
នឹងជួយសម្រួលកិច្ចសហការគ្នា នៅក្នុងផ្នែកបច្ចេកវិទ្យា ឌីជីថល (Digital)។
លោកទេសរដ្ឋមន្ត្រី ខៀវ កាញារីទ្ធ រដ្ឋមន្រ្តីក្រសួងព័ត៌មានបានថ្លែងនៅក្នុង ពិធីចុះហត្ថលេខាកិច្ចព្រមព្រៀង
ស្តីពីកិច្ចសហប្រតិបត្តិការ លើវិស័យទូរទស្សន៍រវាងអគ្គនាយកដ្ឋានទូរទស្សន៍ជាតិកម្ពុជា និង MCOT ក្រុមហ៊ុន
សាធារណៈចំកាត់” នៅថ្ងៃទី២១ ខែឧសភា ឆ្នាំ២០១៣ នាក្រសួងព័ត៌មានថាការចុះកិច្ចព្រមព្រៀងគ្នាថ្ងៃនេះ គឺ
ដើម្បីផ្លាស់ប្តូរ បទពិសោធន៍ព័ត៌មានគ្នាទៅវិញទៅមក នឹងជួយសម្រួលកិច្ចសហការគ្នា ក្នុងការផ្លាស់ប្តូរទៅជា
ប្រព័ន្ធ ឌីជីថល (Digital) ក្នុងន័យនេះ គឺសំខាន់បំផុតយើងឃើញថាបើយើងនិយាយអំពីប្រព័ន្ធ បច្ចេកវិទ្យា ព័ត៌
មាន ប្រទេសកម្ពុជាយើងបាននិងកំពុងតែដើរលឿន នៅក្នុងវិស័យមួយនេះ គួរឲ្យកត់សម្គាល់។
លោក ខៀវ កញារីទ្ធ បានបញ្ជាក់ថា នៅក្នុងប្រទេសកម្ពុជាយើងសព្វថ្ងៃនេះមានក្រុមហ៊ុនទូរទស្សន៍ពីរគឺVT1
និង PPCTV ក៏ប៉ុន្តែនៅប្រទេសថៃសព្វថ្ងៃនេះគឺពុំទាន់មានទូរទស្សន៍ បែបនេះនៅឡើយទេ ម្យ៉ាងវិញទៀតគេ
(ថៃ)មានវិស្វករសម្រាប់ត្រៀមគ្រប់ផ្នែក ចំណែកកម្ពុជាយើងបានប្រើប្រព័ន្ធបច្ចេកវិទ្យានេះ ក៏ពិតមែន តែយើង
មិនទាន់មានវិស្វករដូចគេនោះទេ។
លោកបានបន្តថា ដូច្នេះការផ្លាស់ប្តូរសំខាន់ទី១. គឺដើម្បីផ្លាស់ប្តូរអ្នកបច្ចេកទេស បទពិសោធន៍ និងជំនាញ។
ទី២.ការបញ្ជូនព័ត៌មាននោះ គឺវាសំខាន់ណាស់ ទោះបីជាយើងឃើញកន្លងមកមានការផ្ទុះអាវុធនៅថៃកី្ត គឺថា
ទាំងព័ត៌មានកម្ពុជា-ថៃ បានសហការគ្នាគឺមិនយកប្រេងទៅចាក់លើភ្លើងនោះទេ នេះហើយជាចំណុចធំណា
ស់ ដែលសបញ្ជាក់ថាទំនាស់នៅតាមព្រំដែន ជាទំនាស់របស់អ្នកនយោបាយថៃ ហើយអ្នកទាំងអស់នោះ បាន
ជំរុញឲ្យមានបញ្ហានេះកើតឡើង។ ប៉ុន្តែសម្រាប់ប្រជាជនកម្ពុជាវិញគឺពុំបានស្អប់ប្រជាជនថៃនោះទេ។ នេះចង់
បញ្ជាក់ឲ្យឃើញថាការផ្លាស់ប្តូរព័ត៌មាននេះ គឺផ្លាស់ប្តូរ ដើម្បីឲ្យបានច្បាស់លាស់នូវព័ត៌មានហើយជៀសវាង
ការបំប៉ោង និងការចាក់ប្រេងទៅលើភ្លើង៕ដោយ៖ សំអាត