កំពង់ឆ្នាំង៖ រថយន្តកាមរីដឹកឈើក្រញូង១គ្រឿង បានបុកអ្នកបើកម៉ូតូមួយគ្រឿងបង្កឲ្យមនុស្សម្នាក់ របួសធ្ងន់បាន បើក គេចមកពួននៅក្នុងក្រុងកំពង់ឆ្នាំង ត្រូវសមត្ថកិច្ចស្រាវជ្រាវចាប់ឃាត់ខ្លួនអ្នកបើកបរ រថយន្តបាន។ករណីគ្រោះ ថ្នាក់ចរា ចរណ៍នេះបានកើតឡើងវេលាម៉ោង៤និង៤៥ល្ងាចថ្ងៃពុធ ខែធ្នូឆ្នាំ២០១៣ នៅស្រុកបរិបូរណ៍និងចាប់ រថយន្តបាននៅវេលាម៉ោង៨និង១៥នាទីយប់នៅក្នុងក្រុងកំពង់ឆ្នាំង។
មន្រ្តីនគរបាលក្រុងកំពង់ឆ្នាំងឲ្យដឹងថា រថយន្តបង្កម៉ាកកាមរីពណ៌ស សេរី៩៣គ្មានស្លាកលេខ អ្នកបើកបរឈ្មោះ
វ៉ាន់ ចាន់វ័យ អាយុ២៧ឆ្នាំ រស់នៅភូមិចំការចេក ឃុំសុង ស្រុកសំឡូត ខេត្តបាត់ដំបង។ មុនពេលកើតហេតុគេបានដឹកឈើក្រញូងពេញគូថរថយន្តបើកបរពីជើងទៅត្បូង ពេលមកដល់ភូមិពន្លៃ ឃុំពន្លៃ ស្រុកបរិបូណ៌ក៏បានបុកម៉ូតូវីវ៉ា១គ្រឿងបណ្តាលអោយបុរសអាយុជាង៦០ឆ្នាំម្នាក់ជាអ្នកបើកម៉ូតូរងរបួសធ្ងន់។ក្រោយពេលកើតហេតុ អ្នកបើក
រថយន្តបានបើកគេចមកលាក់រថយន្តនៅលើផ្លូវក្នុងភូមិទី៣ សង្កាត់ខ្សាម នៅម៉ោង៨និង១៥នាទីយប់ ត្រូវសមត្ថកិច្ចនគរបាលប៉ុស្តិ៍សហការជាមួយនគរបាលចរាចរណ៍ក្រុងចាប់ខ្លួនបាននិងរថយន្ត បញ្ជូនមកកាន់ស្នងការដ្ឋាននគរបាលខេត្ត។ក្រោយពេលចាប់បានគេបានរកឃើញមានដឹកឈើក្រញូងជាច្រើនកំណាត់កម្មការធ្វើការវាស់វែងឃើញឈើសរុបចំនួន១៧ដុំស្មើនិង២១៧គីឡូក្រាមរួចបញ្ជូនអោយមន្រ្តីជំនាញខ័ណ្ឌរដ្ឋបាលព្រៃឈើខេត្តកសាងសំណុំរឿងចាត់ការតាមនិតិវិធីច្បាប់៕ ដោយ ៖ សស្អាត