ភ្នំពេញ៖ កាលពីថ្ងៃទី៣០ ខែធ្នូរ ឆ្នាំ២០១៣ អ្នកនាង យុគ ចិន្តា ដែលជាពិធីការនីប្រចាំស្ថានីយ៍ទួរទស្សន៍ CTN និង CNC បាន Post រូបថតអនុស្សារីយ៍អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជានិងជាឈ្មួញដ៏មានឥទិ្ធពលជាមួយអតីតតារាចម្រៀងស្រី តូចចំណាន ក្នុងលក្ខណៈគ្រួសារ ជាច្រើនសន្លឹកនៅក្នុង Page របស់នាងជាលើកដំបូង។វត្តមានរូបថតអនុស្សារីយ៍ស្នេហាជាលក្ខណៈគ្រួសាររបស់អ្នកឧកញ៉ា គិត ម៉េង និងអតីតតារាចម្រៀងស្រី តូចចំណាន រួមជាមួយកូនតូចៗ នោះមិនមែនទើបតែនឹងលេចចេញនៅពេលអ្នកនាង យុគ ចិន្តា បង្ហោះនោះទេ តាមពិតទៅរូបថតទាំងនោះត្រូវបានអ្នកលេង Facebook បង្ហោះពេញ Facebook តាំងពីថ្ងៃទី២៥ ខែធ្នូរ ឆ្នាំ២០១៣ មកម្ល៉េះ។
ជាមួយនឹងការបង្ហោះរូបថតអនុស្សារីយ៍ អ្នកឧកញ៉ា គិត ម៉េង និងអតីតតារាចម្រៀងស្រី តូចចំណាន រួមជាមួយកូនតូចៗ នេះ អ្នកនាង យុគ ចិន្តា បាន ទទួលស្គាល់ថាថៅតែរបស់នាង គឺអ្នកឧកញ៉ា គិត ម៉េង និងអតីតតារាចម្រៀង ស្រី តូចចំណាន បានក្លាយទៅជាសម្ព័ន្ធស្នេហាគ្រួសារនឹងគ្នាហើយទើបនាងបង្ហោះរូបថតថៅតែរបស់នាងជាមួយអតីតតារា ចម្រៀង ស្រី តូចចំណាន នៅក្នុងPage របស់នាង។សូមបញ្ជាក់ផងដែរថាតាមប្រភពពីតារាសិល្បៈម្នាក់ដែលជិតដិតនឹងស្រីតូច ចំណានតាំងពីចូលសិល្បៈនិងធ្លាប់សម្តែងរឿងជាមួយគ្នាបានឱ្យដឹងថាស្រីតូច ចំណានក្រៅពីរស់នៅយ៉ាងហ៊ឺហា មានវីឡាស្កឹមស្កៃ នៅក្នុងស្រុកជាច្រើនកន្លែងនោះ អតីតតារារូបនេះក៏បានទិញភូមិគ្រឹះមួយនៅទីក្រុងសាំងហ្គាពួរ ប្រទេសសិង្ហបុរី ហើយយូរៗម្តង អ្នកនាងទៅលម្ហែកាយនៅទីនោះជាមួយស្វាមី និងកូនទាំង
៤ (ប្រុស២)។ក្រៅពីវីឡានៅរាជធានីភ្នំពេញ អ្នកនាងចំណាន ក៏បានសង់វីឡា ដ៏ស្តុកស្តម្ភ នៅស្រុកកំណើតអ្នកនាង ឯខេត្តស្វាយរៀងហើយ អ្នកនាងក៏ជាអ្នកគ្រប់គ្រងសណ្ឋាគារ និងកាស៊ីណូមួយនៅក្រុងបាវិត ទៀតផង៕
ដោយ៖ ភីនរ៉ា