ភ្នំពេញ៖បុរសម្នាក់បានស្លាប់ភ្លាមៗនៅនឹងកន្លែងកើតហេតុដោយសាររថយន្តជ្រុលទៅបុកចំពីមុខយ៉ាងពេញទំហឹងអូសជាង៣០ម៉ែត្រ កាលពីវេលាម៉ោង៩និង៣០ នាទីស្ថិតនៅតាមបណ្តោយផ្លូវបេតុងក្នុងភូមិក្រាំងអង្រសង្កាត់ក្រាំងធ្នង់ ខណ្ឌពោធិ៍ សែនជ័យរាជធានីភ្នំពេញ។ប្រភពព័ត៌មានពីសាក្សីបានឲ្យដឹងថា ជនរងគ្រោះមានឈ្មោះញឹមផាន់ណាភេទប្រុស អាយុ៤២ឆ្នាំ មានស្រុកកំណើតនៅឃុំ ពោះទន្ទឹម ស្រុកកំពង់សៀម ខេត្តកំពង់ចាមជិះម៉ូតូមួយគ្រឿងម៉ាកវីវ៉ាពណ៌ខ្មៅ ពាក់ស្លាកលេខ កំពង់ចាម ១A-៣៩៧៧ រីឯរថយន្តបង្កវិញ មានម៉ាកអីស៊ុយស៊ុយពណ៌ត្រេអី ពាក់ស្លាកលេខ ខ.ម បើកបរក្នុងទិសដៅ ពីកើតទៅលិច បញ្រ្ចាសទិសគ្នា អ្នកបើកបរពុំ ត្រូវបានគេស្គាល់ឈ្មោះនោះទេ ។
សាក្សីបានបន្តទៀតថាមុនពេលកើតហេតុគេឃើញម៉ូតូ ជនរងគ្រោះជិះម្នាក់ឯងក្នុងទិសដៅពីលិចទៅកើតលុះដល់ចំណុចកើតហេតុស្រាប់តែ មានរថយន្តមួយគ្រឿង ម៉ាកអីស៊ុយស៊ុយបើកបរបញ្រ្ចាសទិសគ្នាជ្រុលមកបុកចំពីមុខយ៉ាងពេញទំហឹង អូសប្រហែលជា៣០ម៉ែត្រទើបឈប់បណ្តាលឲ្យជនរងគ្រោះស្លាប់ភ្លាមៗនៅនឹង កន្លែងកើតហេតុ រីឯម៉ូតូក៏រងការខូចខាតយ៉ាងដំណំផងដែរភ្លាមៗ ត្រូវបាននគរបាលចុះទៅដល់កន្លែងកើតហេតុ រួចក៏ធ្វើការឃាត់ខ្លួន អ្នកបើករថយន្ត បង្កបានផងដែរនាំយកមកកាន់ប៉ូលីសដើម្បីសាកសួរ ប៉ុន្តែអ្នកបើករថយន្តក្នុរូបននោះស្ថិតក្នុងស្ថានភាពស្រវឹងជោគជាំសួរនាំមិនកើត ទើបឃុំខ្លួនបណ្តោះអាសន្ន។ក្រោពេលកើតហេតុ សាកសព ត្រូវបានប្រគល់ទៅឲ្យក្រុមគ្រួសារយកទៅធ្វើបុណ្យ តាមប្រពៃណី រីឯរថយន្តនិងម៉ូតូត្រូវ បាននគរបាលចរាចរ ជើងគោករាជធានីយកទៅរក្សាទុកដើម្បីចាត់ការបន្តទៅតាមផ្លូវច្បាប់៕ ដោយ ៖ ភីនរ៉ា