ភ្នំពេញ៖ យ៉ាងហោចណាស់មនុស្ស ១២នាក់បានស្លាប់ និង ២០នាក់របួស ក្នុងនោះ១៤នាក់របួសធ្ងន់ ដោយគ្រោះថ្នាក់ចរាចរណ៏១៩លើកកើតឡើងនៅទូទាំងប្រទេសកម្ពុជាកាល ពីថ្ងៃ ទី១៣ មករា ២០១៤។យោងតាមគេហទំព័រប៉ូលិសជាតិក៏បានបញ្ជាក់ឲ្យដឹងទៀតថា ក្នុងគ្រោះថ្នាក់ចរាចរណ៍ទាំង ១៩លើកបានបង្កឲ្យខូចខាតយានយន្តសរុប ៣១គ្រឿង ក្នុងនោះម៉ូតូ ២៣គ្រឿង , រថយន្តធុនតូច ០៤គ្រឿង,រថយន្តធុនធំ ០១គ្រឿង , យានផ្សេងៗ ០៣គ្រឿង និងថ្មើរជើងម្នាក់ ។
ប្រភពខាងលើឲ្យដឹងបន្តទៀតថា មូលហេតុដែលបង្កឲ្យមានគ្រោះថ្នាក់ គឺបណ្តាលមកពីល្បឿន ០៩លើក,មិនគោរពសិទ្ធិ ០៣លើក, ប្រជែងគ្រោះថ្នាក់ ០១លើក, ស្រវឹង ០៣លើក,និងបត់គ្រោះថ្នាក់ ០២លើក ក្នុងនោះជិះម៉ូតូគ្រោះថ្នាក់មិនពាក់មួក៣១នាក់(យប់ ២០នាក់) ៕ ដោយ៖ ភីនរ៉ា