កំពង់ឆ្នាំង ៖ នៅថ្ងៃទី៣១ខែ មីនា ឆ្នាំ២០១៣ឯកឧត្តម នុត សុខុម ទេសរដ្ឋមន្ត្រីសមាជិកគណៈកម្មាធិការ
អចិន្ត្រៃយ៍និងជាប្រធានក្រុមការងារចុះពង្រឹង មូលដ្ឋានគណបក្សហ្វ៊ុនស៊ិនប៉ិចខេត្ដ បានអញ្ជើញជាអធិបតី
ក្នុងពិធីបុណ្យបញ្ចុះខ័ណ្ឌសីមាវត្តសាលាមុនីរង្សីហៅវត្តព្រែកសាលាឃុំទឹកហូតស្រុករលាប្អៀរ ខេត្តកំពង់ឆ្នាំង
អ្នកចូលរួម៧៥០នាក់។
ក្នុងឱកាសនោះ ក៏មានវត្តមានឯកឧត្តមយឹមវឿនថនលោកជំទាវអ៊ុកម៉ុណ្ណា ឯកឧត្តមសាស្រ្តាចារ្យ ហែម ឈិន
ឯកឧត្តម ឡេ សំអ៊ល ឯកឧត្តមយស់សូលី ឯកឧត្តម អាំង សំបូរ ឯកឧត្តមឈឹមឈន ឯកឧត្តម ទាំ សារី
ឯកឧត្តមលាស់ស៊ុំ និងសហជីវិនីសូរសុខរតនា សហជីវិន ប្រធាន អនុប្រធានគណៈកម្មការប្រតិបត្តិស្រុក
និង សហជីវិន សហជីវិនីប្រធាន អនុប្រធានការិយាល័យប្រតិបត្តិឃុំ ព្រមទាំងសហជីវិន-សហជីវិនីចុះជួយ
ពង្រឹងការងារគណបក្សហ៊្វុនស៊ិនប៉ិចជាច្រើនរូបទៀត។
ឯកឧត្តមវេជ្ជបណ្ឌិតនុតសុខុមបានមានថ្លែងនូវសេចក្តីសោមនស្សរំភើបរីករាយយ៉ាងក្រៃលែងដោយបាន
ចូលរួមក្នុងពិធីបុណ្យបញ្ចុះខ័ណ្ឌសីមាវត្តសាលាមុនីរង្សីហៅវត្តព្រែកសាលាឃុំទឹកហូតស្រុករលាប្អៀរ
ខេត្តកំពង់ឆ្នាំង។ ឯកឧត្តមវេជ្ជបណ្ឌិតបានរំលឹកពីប្រវត្តិនៃវត្តសាលាមុនីរង្សីហៅវត្តព្រែកសាលានេះ
បានសាងសង់ឡើងនាសម័យសង្គមរាស្រ្តនិយមក្រោមព្រះរាជកិច្ចដឹកនាំរបស់សម្តេចឳ សម្តេចតាន
រោត្តមសីហនុនៃយើង។ កាលនោះវត្តនេះមានឈ្មោះថាវត្តកំចាយ ក្រោយមកព្រះតេជគុណព្រះចៅ
អធិការព្រះនាមកង កែវ បានប្តូរឈ្មោះជាវត្តមុនីរង្សា រាមវិញ។ទីអារាមនេះត្រូវបានបំផ្លេញបំផ្លាចក្នុង
របបប្រល័យពូជសាសន៍ ប៉ុល ពត ទាំងស្រុង។
ក្រោយឆ្នាំ១៩៧៩ ដោយមានការគោរពស្រឡាញ់ ជំនឿយ៉ាងមុតមាំក្នុងព្រះពុទ្ធសាសនា ពុទ្ធបរិស័ទ
ក្នុងភូមិ ព្រែកសាលា បានផ្តួចផ្តើម រៀបចំសាងសង់ទីអារាមនេះឡើងវិញ ពេលនោះជាសាឡំទេ ដើម្បីប្រារព្ធពិធីបុណ្យទានតាមប្រពៃណីដោយព្រះពុទ្ធសាសនា ក៏ប៉ុន្តែ ពុំមានព្រះសង្ឃគង់នៅទេ ។ រហូតដល់ឆ្នាំ១៩៩១ ទើបមានព្រះសង្ឃមកគង់គ្រប់គ្រង ក៏ប៉ុនែ្ត មានតែសាឡំដដែល រហូតដល់
ឆ្នាំ២០០៨។ នៅឆ្នាំ២០០៩ ដោយមានការអនុញ្ញាតសពីក្រសួងធម្មការនិងសាសនា នាពេលនោះ
លោក ប៉ែន ផល្លី ជាមួយអាជ្ញាធរឃុំ អាចារ្យ គណ:កម្មការវត្តបានផ្តួចផ្តើម ប្រជុំពិភាក្សា រៀបចំ
គណ:កម្មការ សាងសងព្រះវិហារឡើងវិញ។ ដោយមានការជួយជ្រោមជ្រែង ជំរុញឧបត្ថម្ភ ពី
សំណាក់ លោក ប៉ែន ផល្លី និងក្រុមគ្រួសារនិងការចូលរួមពីសម្បុរសជន ទាំងក្នុង និងក្រៅប្រទេស ព្រះវិហារបានកសាងរួចរាល់ជាស្ថាពរក្នុងរយៈពេលត្រឹមតែមួយឆ្នាំប៉ុណ្ណោះ (២០១១-២០១២)។
ផ្អែកលើរបាយការណ៍គណ:កម្មការសាងសង់តំណាងដោយ លោក ប៉ែន ផល្លី និងលោកស្រី
នុត សុខា ឃើញថាមានភាពលំអិតច្បាស់លាស់ តាមផ្នែកនីមួយៗ មានតម្លាភាពល្អណាស់។
ឯកឧត្តមវេជ្ជបណ្ឌិត នុត សុខុម សូមប្រគេននិងជូននូវការកោតសរសើរ ជាពិសេស វាយតំលៃខ្ពស់
ចំពោះការចូលរួមពីសម្បុរសជន ជាច្រើនគ្រប់ ទិសទីទាំងជិត ទាំងឆ្ងាយ ទាំងក្នុងនិងក្រៅប្រទេស។
ឯកឧត្តមវេជ្ជបណ្ឌិត នុត សុខុម មាន សេចក្តីរំភើបនិងមោទនភាពយ៉ាងក្រៃលែង ចំពោះការចេះ
ចូលរួមចែករំលែក សាមគ្គីកសាងវិស័យព្រះពុទ្ធសាសនានៃយើង។
ឯកឧត្តមវេជ្ជបណ្ឌិត នុត សុខុមបានមានប្រសាសន៍បនែ្ថមទៀតថា: ការចេះស្រឡាញ់រួបរួមសាមគ្គី
គ្នានេះមានសារៈសំខាន់ណាស់ចំពោះ អ្នកនយោបាយនៅកម្ពុជាយើងដើម្បីផ្តល់នូវសុខសន្តិភាពការ
អភិវឌ្ឍន៍ជាតិភាពថ្កុំថ្កើងរុងរឿងជូនដល់ប្រជាពលរដ្ឋស្របតាមព្រះដំបូន្មានដ៏ថ្លៃថ្លារបស់សម្តេចឪ
សម្តេចតាជាទីគោរពសក្ការៈនៃយើង។ ហើយឯកឧត្តមវេជ្ជបណ្ឌិតនុត សុខុម បានយកឱកាស
ដ៏វិសេសវិសាលនេះផងដែរទូលប្រគេននិងជំរាបជូនថារាជរដ្ឋាភិបាលយើងបានខិតខំប្រឹងប្រែង
ខ្លាំងណាស់ក្នុងការកសាងអភិវឌ្ឍន៍ជាតិលើគ្រប់វិស័យ។
ប្រជាពលរដ្ឋយើងបានទទួលនូវសុខសន្តិភាពឡើងវិញរស់នៅក្រោមបាវចនាជាតិសាសនាព្រះមហាក្សត្រ
ក្នុងនោះវិស័យព្រះពុទ្ធសាសនាក៏មានការរីកចំរើនយ៉ាងសំបើមគួរឲ្យកត់សំគាល់វត្តអារាមព្រះវិហារដ៏ល្អ
ស្កឹមស្កៃមាននៅគ្រប់ទិសទីទាំងនៅទីប្រជុំជនរហូតដល់តំបន់ដាច់ស្រយាលជាក់ស្តែងព្រះវិហារដ៏ល្អនៃ
វត្តសាលាមុនីរង្សីដែលយើងកំពុងប្រារព្វពិធីបុណ្យកាត់ឬសសីមាថ្ងៃនេះជាសមិទ្ធិផលថ្មីមួយទៀតជាទី
មោទនសំរាប់ប្រជាពលរដ្ឋនិងពុទ្ធបរិស័ទពិសេសភូមិព្រែកសាលា ដើម្បីប្រារព្វពិធីបុណ្យព្រះពុទ្ធ
សាសនាដែលជាប្រពៃណីយជាតិយើងដ៏យូរលង់មកហើយជានិមិត្តរូបផ្តល់ភាពត្រជាក់ត្រជុំសំបូរ
រុងរឿងសុភមង្គលក្នុងអនាគត។ ឆ្នាំ២០១៤ នឹងមានស្ពាន ផ្លូវពីកំពង់ឆ្នាំង -ខេត្តកំពង់ធំ ។អភិវឌ្ឍន៍ ដោយគណបក្សប្រជាជន +គណបក្សហ៊្វុនស៊ិនប៉ិច ។
ព្រះពុទ្ធសាសនាព្រះថេរានុថេរៈព្រះអង្គមានព្រះគុណធំធេងណាស់ទាំងក្នុងពុទ្ធចក្រនិងអាណាចក្រ ជាអាទិការអប់រំចិត្តសីលធម៌រស់នៅជៀសវាងអំពើអបាយមុខគ្រប់បែបយ៉ាងស្គាល់បុណ្យស្គាល់បាប
ស្គាល់គុណស្គាល់ទោសចេះសណ្តោសប្រណីមិនជិះជាន់កេងប្រវ័ញ្ចមិនភូតកុហក បំភ្លៃការពិតដើម្បី
មហិច្ឆតាប្រយោជន៍ផ្ទាល់ខ្លួនបក្សពួក ចេះចែករំលែក គោរពស្រឡាញ់ចេះយោគយល់ មានហេតុ
មានផល ចេះប្រើនិងយល់ពីកាលៈទេសៈនិងពេលវេលាជាពិសេសខ្មែរយើងកុំហែកហួរគ្នាទិទាន
វាយប្រហារ អសីលធម៌ មានអញអត់អែងមានអែងអត់អញរហូតដល់បែកបាក់ជាតិវេទនាប្រជា
រាស្រ្តដោយអាងហួសហេតុពេកលើបរទេស។ គ្មានជាតិ សាសន៍ណាស្រឡាញ់ខ្មែរជាជាងខ្មែរ
គ្នាឯងទេ។ជាដំបូន្មានដ៏មានខ្លឹមសារបំផុតរបស់សម្តេចឳសម្តេចតានៃយើងសាមគ្គីជាតិជាកម្លាំង។
ក្រៅពីនេះព្រះតេជគុណព្រះថេរានុថេរក៏បានជួយដល់ប្រជាពលរដ្ឋយើងក្នុងការអប់រំអនាម័យបង្ការ
ជំងឺឆ្លងនានាមានជំងឺផ្តាសសាយបក្សីដែលថ្មីៗនេះបានសម្លាប់ប្រជាពលរដ្ឋយើងមួយចំនួន។ជួយបង្ការជំងឺអេដស៍ដែលមកទល់និងពេលនេះមានការស្លាប់និងបន្សល់ទុកនូវកុមារកំព្រាជាបន្ទុក
ដ៏ធ្ងន់ធ្ងរចំពោះគ្រួសារជីដូនជីតា សហគមន៍និងប្រទេសជាតិហើយដែលគ្មានថ្នាំព្យាបាលឲ្យជា
សះស្បើយទេក៏ដូចជាអំពើហឹង្សាក្នុងគ្រួសារនិងការអប់រំស្តីការជាសឲ្យឆ្ងាយពិគ្រឿងញាណ។ល។ព្រះសង្ឃជួយអ្នកដែលផ្ទុកមេរោគអេដស៍។
ក្នុងនាមរាជរដ្ឋាភិបាល ឯឧត្តមវេជ្ជបណ្ឌិតនុត សុខុម សូមថ្លែងអំណរព្រះគុណដោយសេចក្តីគោរព
កោតសរសើរដោយស្មោះកតញ្ញូតាធម៌យ៉ាងជ្រាលជ្រៅបំផុតនិងសូមព្រះមេត្តាបន្តជួយដើម្បីជាឧត្តម
ប្រយោជន៍រួមស្របតាមគោលការណ៍គ្រឹះនៃព្រះពុទ្ធសាសនាព្រះបរមគ្រូនៃយើង។
ជាទីបញ្ចប់ឯកឧត្តមវេជ្ជបណ្ឌិត នុត សុខុមសូមថ្លែងអំណរព្រះគុណអរគុណដោយសេចក្តីគោរពចំពោះ
ព្រះអង្គចៅអធិការព្រះថេរានុថេរៈគណៈកម្មការអាជ្ញាធរមូលដ្ឋានជាពិសេសលោកប៉ែនផល្លីនិងក្រុម
គ្រួសារដែលបានប្រឹងប្រែងយ៉ាងសកម្មស្វិតស្វាញចូលរួមទាំងកំលាំងកាយចិត្តធនធានក្នុងនោះមាន
អ្នកម្តាយខ្ញុំព្រះករុណាខ្ញុំនិងខ្ញុំព្រះករុណាខ្ញុំផ្ទាល់ផងដែររួមទាំងឯកឧត្តម លោកជំទាវ លោក លោកស្រីពុទ្ធបរិស័ទទាំងអស់ធ្វើឲ្យព្រះវិហារថ្មីនេះនិងសមិទ្ធិផលនានា សម្រេចបានជាកុសល
ជាប្រយោជន៍ជូនដល់ប្រជាពលរដ្ឋយើង។
អរព្រះគុណនិងអរគុណចំពោះគ្រប់បណ្តាទិសពុទ្ធបរិស័ទទាំងអស់ដែលបានចូលរួមរយៈពេល៣ថ្ងៃ
កន្លងទៅនេះ។អរគុណឯកឧត្តមលោកជំទាវលោកលោកស្រីជាពិសេសគណ:កម្មការរៀបចំដែល
ញុំាងឲ្យពិធីបុណ្យថ្ងៃនេះប្រព្រឹត្តិទៅយ៉ាងអធិកអធមជោគជ័យត្រជាក់់ត្រជុំប្រកបដោយក្តីសង្ឃឹម
និងមោទនៈ។
ក្នុងឱកាសបុណ្យចូលឆ្នាំថ្មី ប្រពៃណីយជាតិ ឯកឧត្តមវេជ្ជបណ្ឌិត នុត សុខុមសូមឱទ្ទិសកុសលដែលបានពីការ
កសាងនេះប្រគេនព្រះថេរានុថេរៈឯកឧត្តមលោកជំទាវ លោកលោកស្រីលោកតាលោកយាយអ៊ុំប្រុស ស្រី
មាមីងបងប្អូនប្រជាពលរដ្ឋក្មួយៗសិស្សនិស្សិតអាជ្ញាធរគ្រប់លំដាប់ថ្នាក់សូមទទួលបាននូវពុទ្ធពរទាំងបួន
ប្រការគឺអាយុវណ្ណៈសុខពលកុំបីឃ្លាងឡើយ។និងសូមប្រកាសដាក់សមិទ្ធផលព្រះវិហារដ៏ល្អនេះនិងសមិទ្ធិ
ផលនានា ប្រើប្រាស់តាមប្រពៃណីយព្រះពុទ្ធសាសនាចាប់ពីពេលនេះតទៅ។
ឯកឧត្តមវេជ្ជបណ្ឌិត នុត សុខុមបាននាំយកនូវអំណោយ: សៀវភៅ១ក្បាល ប៉ិច១ដើម ខ្មៅ១ដើម ថវិកា២០០០រៀល សំរាប់សិស្សានុសិស្ស ចំនួន១៥០នាក់ ។ លោកតា យាយជីចំនួន២០នាក់ទទួលបាននូវ ក្រណាត់ស១ដុំ ថវិកា៥០០០រៀល ថ្នាំពេទ្យ ១កពា្ចប់ ។ ប្រជាពលរដ្ឋបានទទួលថ្នាំពេទ្យ១កពា្ចប់ ។កងកំលាំងប្រដាប់អាវុធទទួលបាន អាវយឺត១ ថវិកា៥០០០០រៀល និងថ្នាំពេទ្យ១កញ្ចប់។ ឯកឧត្តម
វេជ្ជបណ្ឌិត នុត សុខុមក៏បានចូលរួមប្រគេនបច្ច័យចំនួន២២៥០ដុល្លារអាមេរិកថែមទៀត សំរាប់ការ
ដោះស្រាយនូវការខ្វះខាតក្នុងការសាងសង់ព្រះវិហារនេះ។
ដោយ៖ស ស្អាត