ភ្នំពេញ៖ នៅថ្ងៃទី០៩ ខែមីនាឆ្នាំ២០១៤ អគ្គស្នងការនគរបាលជាតិបានបង្ហាញថាមានគ្រោះថ្នាក់ចរាចរណ៍នៅទូទាំង ប្រទេស ១៧លើក មានមនុស្សស្លាប់ ១១នាក់ (ស្រី ០២នាក់) និងមានមនុស្សរបួសធ្ងន់ ២៦នាក់(ស្រី ០៨នាក់) និង របួសស្រាល ១៦នាក់ (ស្រី ០៥នាក់) ។គេហទំព័រអគ្គស្នងការនគរបាលជាតិបានបន្តទៀតថា នៅក្នុងគ្រោះថ្នាក់ចរាចរណ៍ទាំង ១៧លើក បានបង្កឲ្យខូចខាតយានយន្តសរុប ២៩គ្រឿង ក្នុងនោះម៉ូតូ ២០គ្រឿង, រថយន្តធុនតូច ០៥គ្រឿង, រថយន្តធុនធំ ០២គ្រឿង, យានផ្សេងៗ ០២គ្រឿង និងថ្មើរជើង០២ម្នាក់ ។
ប្រភពខាងលើឲ្យដឹងបន្តទៀតថា មូលហេតុ ដែលបណ្តាលឲ្យមានគ្រោះថ្នាក់ គឺបណ្តាលមកពីល្បឿន ០៦លើក, មិនគោរ ព សិទ្ឋ០១លើក,មិនគោរពសញ្ញា០១លើក,មិនប្រកាន់ស្តាំ០១លើក, ប្រជែងគ្រោះថ្នាក់ ០៣លើក,ស្រវឹង ០៤លើក, មនុស្សឆ្លង ផ្លូវ ០១លើក។ក្នុងនោះជិះម៉ូតូគ្រោះ ថ្នាក់មិនពាក់មួកសុវត្ថិភាព ៣០នាក់ (យប់ ១៩នាក់)គ្រោះថ្នាក់លើផ្លូវជាតិ ០៦លើក ផ្លូវខេត្តក្រុង១០លើក ផ្លូវលំ០១លើក។
គួររំលឹកថា រថយន្តដែលត្រូវផាកពិន័យ នៅអង្គភាព ប្រចាំថ្ងៃ ទី០៨ ខែមីនា នេះសរុបចំនួន ៤៣៤គ្រឿង ក្នុងនោះមានរថយន្តទេសចរណ៍គ្រួសារ ៤៤គ្រឿង, រថយន្តដឹកអ្នកដំណើរធុនតូច ១៧១គ្រឿង, រថយន្តដឹកដំណើរធុនធំ ០៥គ្រឿង រថយន្តដឹក ទំនិញ ធុនតូច ៧៨គ្រឿង រថយន្តដឹកទំនិញធុនធំ ១៣៦គ្រឿង។រថយន្តទាំងអស់ត្រូវបានបង់ប្រាក់ពិន័យសរុប ៤៣៤គ្រឿង នៅអធិការដ្ឋាននគរបាលស្រុក ១៩គ្រឿង និងនៅស្នងការដ្ឋាននគរបាលខេត្ត ៤១៥គ្រឿង និងរួមទាំងខេត្តដែលបានអនុវត្តន៍ការត្រួតពិនិត្យល្បឿននោះគឺ ខេត្តពោធិ៍សាត់៕ ដោយ៖ ភីន រ៉ា