ភ្នំពេញៈ លោក សាយ សំអាល់ រដ្ឋមន្ត្រីក្រសួងបរិស្ថាន បានទទួលជួបសម្តែងការគួរសមគណ:ប្រតិភូអង្គការយូណេស្កូដឹកនាំដោយលោកជំទាវ Anne Lemaistre តំណាងអង្គការយូណេស្កូប្រចាំនៅកម្ពុជានាព្រឹកថ្ងៃទី២០ ខែមីនា ឆ្នាំ២០១៤ នៅទីស្តីការក្រសួង ។
ក្នុងជំនួបនោះ លោករដ្ឋមន្ត្រីបញ្ជាក់នូវជំហរគាំទ្រចំពោះគោលគំនិតដែលលើកឡើងដោយអង្គការយូណេស្កូក្នុងគោលបំណងលើកកម្ពស់កិច្ចសហប្រតិបត្តិការរវាងក្រសួងបរិស្ថាន និងអង្គការយូណេស្កូ លើការងារអប់រំផ្សព្វផ្សាយកិច្ចគាំពារបរិស្ថាន ការអភិរក្សជីវ:ចម្រុះឋបណីយជីវ:ចម្រុះ ក៏ដូចជាធនធានធម្មជាតិ សំដៅជំរុញឱ្យមានភាពសុខដុមរវាងការងារអភិរក្សប្រាសាទ ការលើកកម្ពស់តម្លៃវប្បធម៌ និងតំបន់ទេសចរណ៍ធម្មជាតិ ដោយផ្សារភ្ជាប់ទៅនឹងការងារបរិស្ថាននៅកម្ពុជា។ជាមួយគ្នានោះ លោកជំទាវក៏បានលើកឡើងនូវតួនាទីយ៉ាងសំខាន់ក្រសួងបរិស្ថានក្នុងការចូលរួមក្នុងកិច្ចប្រជុំ ICC Angkor ដែលនឹងប្រព្រឹត្តទៅនៅខែមិថុនានិងខែធ្នូ ឆ្នាំ២០១៤ ខាងមុខ។
ជាក់ស្តែង លោករដ្ឋមន្ត្រីមានមតិស្វាគមន៍ និងលោកជំទាវ Anne បានលើកឡើងនូវការយកចិត្តទុកដាក់ពីសំណាក់អង្គការយូណេស្គូចំពោះការងារពាក់ព័ន្ធនឹងវិស័យបរិស្ថានលើគោលដៅសំខាន់ៗមួយចំនួន ដែលមានជាអាទិ៍ បឹងទន្លេសាប ភ្នំគូលែន ភ្នំក្រវាញ ក៏ដូចជាកិច្ចគាំពារបរិស្ថាន ដែលផ្តោតជាចម្បងលើយុទ្ធនាការកាត់បន្ថយការប្រើប្រាស់ថង់ប្លាស្ទិកគ្រប់រូបភាព និងគ្រប់មធ្យោបាយ៕ ដោយ៖ ភីន រ៉ា