ប្រទេស Turkey៖ កាលពីពេលថ្មីៗនេះ គ្រោះថ្នាក់ចរាចរណ៍ដ៏គួរឲរន្ធត់រវាងរថភ្លើងនិងឡានតូចមួយគ្រឿងនៅ
ក្នុងប្រទេស Turkey បានបណ្តាលអោយមនុស្សយ៉ាងហោចណាស់ ៩នាក់បានបាត់បង់ជីវិតនិងបណ្តាលអោយ
មនុស្ស ៥នាក់ផ្សេងទៀតទទួលរងរបួសជាទំនង់។ មន្រ្តីប៉ូលីសបានមានប្រសាសន៍ថា គ្រោះថ្នាក់ចរាចរណ៍ខាង លើនេះគឺបានកើតឡើងនៅក្បែរកំពង់ផែ Mediterranean នៃទីក្រុង Mersin។ សូមបញ្ជាក់ផងដែរថា អ្នកដំណើរ
នៅក្នុងរថភ្លើងមួយខ្សែខាងលើនេះគឺមិនបានទទួលរងរបួសអ្វីនោះឡើយ។ សូមបញ្ជាក់បន្ថែមទៀតថា រហូតមក
ទល់ពេលនេះ ក្រុមមន្រ្តីប៉ូលីសជាច្រើនគឺកំពុងតែស្វែងរកមូលហេតុនៃគ្រោះថ្នាក់ចរាចរណ៍ខាងលើនេះ។ លោក
Basri Guzeloglu ដែលជាអភិបាលមូលដ្ឋានប្រចាំតំបន់កើតហេតុខាងលើបានមានប្រសាសន៍បន្ថែមទៀតថា ឡាន
តូចមួយគ្រឿងខាងលើនេះគឺជាឡានដឹកកម្មករទៅកាន់តំបន់ឧស្សាហកម្មដែលស្ថិតនៅក្បែរទីក្រុង Mersin។
ដោយ៖ តុលា
