អាមេរិកៈ កិច្ចប្រជុំកំពូលមួយដែលមានសមាជិកបីប្រទេសចូលរួម បានប្រារព្ធធ្វើហើយកាលពីថ្ងៃទី២៥ ខែមីនា។ប្រទេសចំនួនបីដែលចូលក្នុងកិច្ចប្រជុំកំពូលនេះ មានអាមេរិកកូរ៉េខាងត្បូង និងជប៉ុនក្នុងនោះអាមេរិកគឺជាម្ចាស់ផ្ទះ។ថ្លែងនៅក្នុងកិច្ចប្រជុំថ្នាក់ ដឹកនាំរបស់អាមេរិកលោក បារ៉ាក់អូបាម៉ា បានឱ្យដឹងថា ការប្រជុំលើកនេះគឺដើម្បីពិភាក្សាគ្នាពីបញ្ហាសន្ដិសុខ ជាមួយដៃគូរពិ ភាក្សាទាំងពីរ ហើយក៏ពិភាក្សាពីបញ្ហានុយក្លេអ៊ែររបស់កូរ៉េខាងជើងផងដែរ ដែលជាបញ្ហាមួយមិនអាចទទួលយកបាន។
ពិភាក្សាពីបញ្ហាសន្ដិសុខ គឺថា លោកអូបាម៉ាជាអ្នកដើរតួយ៉ាងសំខាន់ក្នុងការផ្សះផ្សារទំនាក់ទំនង រវាងជប៉ុននិងកូរ៉េខាងត្បូងដែលប្រទេសទាំងពីរមានបញ្ហាជាមួយគ្នាជា យូរណាស់មកហើយ។ មានបញ្ហាគឺ ថាជប៉ុនធ្លាប់ជាអាណានិគមរបស់កូរ៉េខាង ត្បូងកាលពីឆ្នាំ១៩១០ដល់ឆ្នាំ ១៩៤៥។
នៅក្នុងអំឡុងពេលដាក់អាណានិគម ជប៉ុនបានចាប់យកស្ដ្រីជនជាតិកូរ៉េខាងត្បូងទៅធ្វើជាទាសករបម្រើផ្លូវភេទសម្រាប់ទា ហានជប៉ុនក្នុងសមរភូមិ។ ទង្វើនេះហើយដែលធ្វើឱ្យកូរ៉េខាងត្បូងមានកំហឹងយ៉ាងខ្លាំងជាមួយជប៉ុន ។ បើតាមការស្ទង់មតិពីប្រជាជនកូរ៉េខាងត្បូងលោក ស៊ីន ហ្ស៊ូអាបេ ត្រូវបានប្រជាជនកូរ៉េខាងត្បូងចងកំហឹងខ្លាំងជាងលោក គឺមជុងអ៊ុន ដែលជាមេដឹកនាំផ្ដាច់ការកូរ៉េខាងជើងទៅទៀត។
នេះសបញ្ជាក់ ឱ្យឃើញថា ពួកគេនៅតែមានការឈឺចាប់ដោយសារទង្វើដ៏ព្រៃផ្សៃរបស់ជប៉ុនក្នុងសម័យ សង្គ្រាម។ ដូច្នេះកិច្ចជំនួបលើកនេះ គឺជាសកម្មភាពមួយ ដែលអាមេរិកខិតខំ ព្យាយាម ដើម្បីឱ្យប្រទេសទាំងពីប៉ះប៉ូវនូវកំហុសគ្នា និងរឹតបណ្ដឹងចំណងមិត្ដភាពនៃប្រទេសជាដៃគូរនៅតំបន់អាស៊ី ក៏ដូចជា ធ្វើឱ្យមានសន្ដិសុខសណ្ដាប់ឡើងវិញ។
ដោយឡែកទាក់ទិននឹងបញ្ហា នុយក្លេអ៊ែរកូរ៉េខាងជើងវិញលោកអូបាម៉ា បានលើកឡើងដែរថា អស់រយៈពេលជាង៥ឆ្នាំមក ហើយ ដែលការសហការគ្នារវាងអាមេរិក ជប៉ុន និងកូរ៉េខាងត្បូងបានប្រព្រឹត្ដិទៅ ក្នុងគោលបំណងផ្លាស់ប្ដូរល្បែងសព្វាវុធជាមួយកូរ៉េខាងជើង។
កិច្ចសហប្រតិបត្ដិការត្រីភាគីនេះ អាចបង្ហាញនូវសញ្ញាយ៉ាងច្បាស់លាស់ទៅទីក្រុង ព្យុងយ៉ាង ថារង្វើបង្កហេតុរបស់គេប្រាក ដ ជាទទួលរងនូវការគំរាមកំហែងរួមគ្នាមួយ។ ប៉ុន្ដែជាការឆ្លើយតប កូរ៉េខាងជើងមិនបានបញ្ឈប់សកម្មភាពរបស់ខ្លួនឡើយ ហើយរឹតតែផ្គើនថែមទៀតចំពោះការស្នើសុំរបស់អន្ដរជាតិ។
ជាក់ស្ដែងកាលពីពេលថ្មីនេះ កូរ៉េខាងជើងបានបាញ់គ្រាប់មីស៊ីលរយៈចម្ងាយខ្លីរបស់ខ្លួនជាច្រើន គ្រាប់ដោយមិនខ្លាចញញើតនឹងអ្នកណាឡើយ។ ការបាញ់គ្រាប់មីស៊ីលជាច្រើនគ្រាប់នេះទៀតសោត កូរ៉េខាងជើងហាក់ចង់បញ្ចេញនូវកំហឹងក៏ដូចជាឥទ្ធិព លរបស់គេទៅភាគី ណាមួយ។ សូមបញ្ជាក់ដែរថាកាលពីពេលថ្មីនេះ កូរ៉េខាងជើងក៏បានព្រមានទៅប្រទេសដែលចោទខ្លួនថា ជាអ្នកបង្កហេតុផងដែរទៅប្រទេសដែលពាក់ព័ន្ធ ជាពិសេសគឺអាមេរិកផ្ទាល់តែម្ដង។
កូរ៉េខាងជើងបានគំរាមថា បើអាមេរិកមិនបញ្ឈប់ការចោទប្រកាន់កូរ៉េខាងជើងនឹងចាត់វិធានការថ្មី ហើយអាចនឹងឈានដល់វិធានការនុយក្លេអ៊ែរទៀតផង។ ដូច្នេះជាបញ្ហានេះគឺជារបៀបវារៈមួយដ៏សំខាន់សម្រាប់ពិភាក្សា នៅក្នុងកិច្ចប្រជុំ ថាតើគួរមានវិធានការអ្វីដើម្បីទប់ទល់នឹងរដ្ឋផ្ដាច់ការកូរ៉េខាងជើង ដែលមិនចេះចុះញ៉មប្រទេសណាមួយនោះ៕ ដោយ៖ ភីនរ៉ា