ភ្នំពេញ៖ដើម្បីពង្រឹងសមត្ថភាពការសិក្សាក្នុងវិស័យអប់រំ និងទបស្កាត់បញ្ហាចោទជារឿយៗកន្លងមកពីការបែកធ្លាយវិញ្ញាសារនៅពេលប្រលងក្រសូងអប់រំយុវជន និងកីឡាបានធ្វើការកែប្រព័ន្ធប្រឡងពីការថតចំលងវិញ្ញាសារចែកជួនសិស្សមកជាការសសេរវិញ្ញាសារនៅលើក្តាខៀនវិញ។ ការប្តូរកម្មវិធីប្រឡង និងកម្មវិធីសិក្សាមួយចំនួន។ការផ្លាស់ប្តូរកម្មវិធីប្រលងនេះដើម្បីពង្រឹង សមត្ថភាសិក្សា និងដើម្បីជៀសវៀងការបែកធ្លាយវិញ្ញាសារ ដែលបញ្ហាចោទមានរាល់ឆ្នាំកន្លងមក។នេះជាការអះអាងរបស់លោក អ៊ឹម កុច រដ្ឋលេខាធិការក្រសូងអប់រំ យុវជន និងកីឡា ដែលបានកាលព្រឹកថ្ងៃទី២៧ធ្នូ នៅសណ្ឋាគាអ៊ីមភើលរៀលថ្លែងក្នុងសិក្ខាសាលាមួយស្តីពី «ការបូកសរុបលទ្ធផលនៃការចុះស្រាវជ្រាវវាយតម្លៃផលប៉ះពាល់សាលារៀនដែលខួចខាត ដោយទឹកជំនន់ក្នុងវិស័យអប់រំឆ្នាំ២០១៣។
លោក អ៊ឹម កុចបន្ថែមថាមូលហេតុក្រសួងតម្រូវឲ្យមានសសេរវិញ្ញាសារនៅលើក្តារខៀនវិញនោះព្រោះថានៅពេលវិញ្ញាសារមួយដែលលោកគ្រូ អ្នកគ្រូ និពន្ធរួចរាល់មានតែមួយសន្លឹកហើយគាត់ នឹង យកវានៅសសេរលើក្តាខៀនពេលប្រលងពេលនោះនឹងរក្សាសង្ងាត់បាន។ការធ្វើបែបនេះជៀសរៀងការបែកធ្លាយវិញ្ញាសារមុនប្រលងហើយធ្វើឲ្យគ្រូមានទំនួលខុសត្រូវផ្ទាល់ខ្លួនម្នាក់ចំពោះការបែបវិញ្ញាសារប្រលង។លោកបញ្ជាក់ថា «ការប្តូរកម្មវិធីមកសសេរនៅលើក្តាខៀនេះបានធ្វើនៅចំពោះការប្រលងឆមាសនៅតាមសាលានានារួចហើយ។
លើសពីនេះក្រសួងបានសេចក្តីណែនំាទៅតាមសាលារួច ហើយក្នុងការទទួលខុសត្រូវចំពោះខ្លួនឯងចំពោះការធ្វើឲ្យបែកធ្លាយវិញ្ញាសារនៅពេលប្រលង។ ហើយអ្វីសំខាន់នោះខ្ញុំសង្ឃឹមថា ការធ្វើបែបនេះសាលានឹងរក្សាការសង្ងាត់បានល្អជាងការប្រព្រឹត្តអំពើការមួយផ្ទុយពីគោលការណ៍ដែលក្រសួងបានណែនំា»។ ពេលនេះដែរ ក្រសួងអប់រំកំពុងតែពិភាក្សាពីការប្រលងសញ្ញាបត្របាក់ឌុប និងប្រលង ឌីប្លួម ថានឹងធ្វើបែបនេះដែរ តែវាជាជំហ៊ានយើងនឹងធ្វើឲ្យទៅតែមួយ។លោករដ្ឋលេខាធិការបន្ថែមថាក្រសួងអប់រំយុវជន និងកីឡាផ្លាស់ប្តូរបែបនេះដើម្បីធ្វើឲ្យលោកគ្រូអ្នកគ្រូមានទំនួលខុសត្រូវច្បាស់លាស់ហើយកម្មវិធីសិក្សាវិញក្រសួងអប់រំបានយកតាមកម្មវិធីសិក្សារបស់ប្រទេសសំាងហ្គាពួរ។
ចំពោះការកំណែរទម្រង់នៃកម្មវិធីប្រលងផ្អែលទៅលើទំនួលខុសត្រូវគ្រប់ជាន់ថ្នាក់តំាងពីក្រសួងរហូតដល់ថ្នាក់ក្រោមឱវាទទំាងអស់។បើសិនមានការខុសស្គងនោះពិតជាដឹងនរណាម្នាក់ជាអ្នកប្រព្រឹត្តជាក់ស្តែង។យោងតាមរបាយការណ៍ស្តីពីការប៉ះពាល់និងការខូចខាតលើវិស័យការអប់រំ ដោយគ្រោះទឹកជំនន់ឆ្នាំ២០១៣ មានសាលារៀនសរុបចំនួន១.២៨០ខ្នង ក្នុង១៨ខេត្ត/ក្រុងទូទំាងប្រទេសបានរងការប៉ះពាល់ខូចខាត។
ក្នុងចំណោមខេត្តទំាងនេះមានខេត្តចំនួន៨ត្រូវរងការខូចខាតធ្ងន់ធ្ងរជាងគ រួមមាន៖ខេត្តកំពង់ធំ បន្ទាយមានជ័យ ព្រៃវែង កំពង់ឆ្នាំង បាត់ដំបង កំពង់ចាម កណ្តាល និងក្រចេះ ។ជុំវិញនៃផលប៉ះពាល់ និងរងការខូចខាតនោះត្រូវ
ការជួសជុល និងសាងសង់ថ្មី ទំាងសាលាបឋមសិក្សា, អនុវិទ្យាល័យ និងវិទ្យាល័យចំនួន១៣៤ទីតាំង គ្រឿងសង្ហា
រឹម អណ្តូងទឹកបង្គន់អស់ទឹកប្រាក់ប្រមាណជា៦.៣១៨.៨០០ដុល្លាអាមេរិក៕ ដោយ ៖ ភីនរ៉ា