ភ្នំពេញ៖ គម្រោងកែលម្អរការអប់រំកម្រិតមូលដ្ឋាននៅកម្ពុជា ហៅកាត់ថា (IBEC) ក្នុងក្របខណ្ឌនៃកិច្ចសហប្រតិបត្តការជាមួយក្រសួងអប់រំយុវជន និងកីឡា នៅព្រឹកថ្ងៃអង្គារទី២៩ មករា នេះ បានដាក់សម្ពោធ ឲ្យប្រើប្រាស់ជាផ្លូវការ នូវសៀវភៅ បំណិតជីវិតចំនួន៣០ប្រធានបទ ដែលជាស្នាដៃនិពន្ធរបស់ IBEC និង ក្រសួងអប់រំ យុវជន និងកីឡា។
រដ្ឋមន្រ្តីក្រសួងអប់រំ យុវជន និងកីឡា លោក ហង់ ជួនណារ៉ុន បានមានប្រសាសន៍នៅក្នុងពីធីនោះថា គម្រោង IBEC នេះ ជាគម្រោងទី៣ បន្ទាប់ពីគម្រោងគាំទ្រសេវាអប់រំសម្រាប់កុមារ នៅតំបន់ដាច់ស្រយ៉ាល (ESCUP) និងគម្រោងសាលារៀនដើម្បីជីវិត (School for Life) ដែលគាំទ្រដោយ ទីភ្នាក់ងារសហរដ្ឋអាមេរិក ដើម្បីអភិវឌ្ឍន៍អន្តរជាតិ តាមរយៈការអប់រំពិភពលោក (WE) និង អង្គការសកម្មភាពសម្រាប់បឋមសិក្សានៅកម្ពុជា ជាដៃគូរក្នុងស្រុក។
គម្រោង IBECនេះ បានចាប់ផ្តើមអនុវត្តន៍តាំងពីថ្ងៃទី១ខែតុលាឆ្នាំ២០០៩ នឹងត្រូវបញ្ចប់នៅខែតុលា ឆ្នាំ២០១៤ខាងមុខនេះ។លោក ហង់ ជូនណារ៉ុន មានប្រសាសន៍ទៀតថា ក្រសួងបានកត់សម្គាល់ឃើញថា គម្រោង IBEC បានអនុវត្តន៍យ៉ាងសកម្មក្នុងការរួមចំណែកលើកម្ពស់ គុណភាពអប់រំ និងបានបង្ករលក្ខណៈងាយស្រួលកាន់តែច្រើនដល់សិស្សានុសិស្សពិសេសកុមារនៅតំបន់ដាច់ស្រយ៉ាល។ គម្រោងក៏បានជួយអនុវត្តន៍គោលនយបាយនានារបស់ក្រសួងរួមមាន៖ ផែនការជាតិសម្រាប់ការអព់រំ ទាំងអស់គ្នា គោលនយោបាយសាលាកុមារមេត្រី និងគោលនយោបាយអប់រំបំណិន ជីវិត ជាដើម។ ក្រៅពីនេះ IBEC នូវបានបញ្ចូលសមាសភាគ និងការកែច្នៃ ដោយបង្កើតគំនិតថ្មីៗ ក្នុងការស្រូបយកថាមពលព្រះអាទិត្យមកប្រើប្រាស់ក្នុងបន្ទប់កុះព្យូទ័រ ដោះស្រាយ កង្វះខាតគ្រូ ក្នុងតំបន់ដាច់ស្រយ៉ាល ជំនួសដោយសិស្សអាហារូបករណ៍នៅតំបន់ដែលគេរស់នៅ ដែលធានានូវនិរន្តរភាពរយៈពេលវែង ព្រមទាំងបំប៉នដល់នាយក នាយិការចំនួន៥៥០ លើជំនាញភាពជាអ្នកដឹកនាំ ។
លោករដ្ឋមន្រ្តីបញ្ជាក់ថា សៀវភៅបំណិនជីវិតនេះ នឹងក្លាយទៅជាឯកសារជំនួយជាសារវ័ន្ត សម្រាប់លោកគ្រូអ្នកគ្រូ ក្នុងការបង្រៀន និងកម្មវិធីសិក្សាបំណិនជីវិត នៅតាមអនុវិទ្យាល័យ ស្របទៅតាមកម្មវិធីសិក្សាបំណិនជីវិតដែលក្រសួងបានដាក់ឲ្យអនុវត្តន៍។
លោកស្រី អ៊ឹង កន្ថាផាវី រដ្ឋមន្រ្តី ក្រួងកិច្ចការនារីបានលើកឡើងនៅក្នុងពិធីនោះដែរថាការអប់រំកុមារី និងស្រ្តីជាឧបករណ៍ដ៏មានឥទ្ធិពល បំផុតសម្រាប់ធ្វើការផ្លាស់ប្តូរនូវសង្គម និងសម្រាប់វឍ្ឍនភាពង្គម ។ហើយការបណ្តុះបណ្តាលវិជ្ជាជីវៈដល់កុមាររី និងស្រ្តីគឺជាការចាំបាច់ ដើម្បីជួយពួកគេឲ្យបានចូលរួម នៅក្នុងសេដ្ឋកិច្ចរៀបរយនិងចាប់ផ្តើមគ្រប់គ្រងមុខជំនួញរបស់ពួកគេ។
លោកស្រីរដ្ឋមន្រ្តី មានជំនឿយ៉ាងមុតមាំថាកម្មវិធីសិកសាបំណិតជីវិត ដែលកំពុងតែផ្សព្វផ្សាយ និងដាក់ជាផ្លូវការនៅថ្ងៃនេះ មិនត្រឹមតែរួមចំណែកអប់រំកុមាររី និងស្រ្តីក្មេងប៉ុណ្ណោះទេ តែថែមទាំងបង្កើននូវសុខមាលភាពនៃគ្រួសារ និងសហគមន៍របស់ពួកគេទៀតផង។
លោកស្រីរ៉េបេកា ប្ល៊េក នាយកបេសកកម្ម ទីភ្នាក់ងារសហរដ្ឋអាមេរិក ដើម្បីការអភិវឌ្ឍន៍ អន្តរជាតិ(USAID)បានថ្លែងថា កម្មវិធីបំណិនជីវិត គឺជាផ្នែកមួយដ៏សំខាន់នៃកិច្ចសហប្រតិបត្តការរយៈពេលវែង នឹងប្រកបដោយផ្លែផ្កា រវាងក្រសួងអប់រំ យុវជន និងកីឡា និងគម្រោងរបស់ (USAID) ដែលគេស្គាល់ថាជា IBEC នេះ។
លោកស្រី បញ្ជាក់ថា កម្មវិធីនេះក្រៅពីសម្រាប់សិស្សានុសិស្សនៅកម្រិតមធ្យមសិក្សាបឋភូមិក្តី ក៏កម្មវិធីនេះ មានភាពបត់បែនគ្រប់គ្រាន់សម្រាប់យកទៅប្រើប្រាស់បានទាំងនៅ កម្រិតបឋម សិក្សា និងកម្រិតមធ្យមសិក្សាទុតិយភូមិផងដែរ។ វាជាលំនាំមួយដែលអាចយកទៅប្រើប្រាស់បានយ៉ាងទូលំទូលាយនៅក្នុងប្រព័ន្ធអប់រំផ្លូវការនិងគ្របទីកន្លែងក្នុងប្រទេសកម្ពុជា។
សូមបញ្ជាក់ថា តាមការវាយតម្លៃសាកល្បង កម្មវិធីបំណិនជីវិត បានបង្ហាញថា មានភាពផ្លាស់ប្តូរយ៉ាងមានសារៈសំខាន់ទៅលើឥរិយាបទសិស្ស និងប្រសិទ្ធភាពកម្រិតខ្ពស់ លើផ្នែកសមត្ថភាពជាក់លាក់របស់សិស្ស ៕
ដោយ៖ សស្អាត