ភ្នំពេញ៖ ថ្មីៗនេះ តារាសម្តែងខ្ពស់ស្រឡះ និងបង្ហាញម៉ូដ ទឹម រដ្ឋា បានបង្ហើបឱ្យដឹងថា នាងមានគម្រោងទិញផ្ទះថ្មី ដែលជាផ្ទះវីទ្បាស្កឹមស្កៃ នៅសម្រាប់ផែនការឆ្នាំថ្មី២០១៤ នេះដើម្បីលើករាសីឱ្យបាន ព្រមៗគ្នាស្របពេលដែលការងារសិល្បៈកាន់តែកាក់កប និងបោះពួយលឿនទៅមុខ។
ប្រភពព័ត៌មានបានឱ្យដឹងថា ផ្ទះល្វែងដែលរដ្ឋា និងក្រុមគ្រួសាររស់នៅតាមបណ្តោយផ្លូវម៉ៃដា (ផ្លូវ២០០៤) នៃរាជធានីភ្នំពេញសព្វថ្ងៃនេះ រងការរំខានអារម្មណ៍ជាប្រចាំដោយសារតែបណ្តោយផ្លូវនោះមានដីហុយគ្រប់ម៉ោង បោសសម្អាតមិនឈ្នះ ហើយផ្លូវនោះក៏ខូចជាច្រើនកន្លែង និងស្ទះចរាចរណ៍ទៀត ម្នាក់ៗធុញទ្រាន់គ្រប់គ្នាពីបញ្ហាផ្ទះក្បែរផ្លូវធំមាន មនុស្សទៅមកកកកុញច្រើន ធ្វើឱ្យធុញរាល់លើក ។
ទោះបីបែបនេះក្តី ទើបក្រុមគ្រួសាររបស់តារាល្បីឈ្មោះ ទឹម រដ្ឋា នាំគ្នាគិតពិចារណារកកន្លែងស្នាក់នៅថ្មីណាមួយវិញដើម្បីសម្រួលអារម្មណ៍តានតឹងដោយគ្រោងលក់ផ្ទះចាស់នោះចោលយកលុយដើម្បីបង្គ្រប់ទិញផ្ទះថ្មីតាមបំណងប្រាថ្នាវិញម្តង។ គម្រោងទិញផ្ទះថ្មីនោះ ជាប្រភេទផ្ទះវីទ្បា ។
កញ្ញាទឹម រដ្ឋា បានទទួលស្គាល់ថា នាងពិតជាគិតគូរដើររកទិញផ្ទះថ្មីជាប្រភេទផ្ទះវីទ្បាមែន ព្រោះបងប្អូនឪពុកម្តាយស្របគំនិតគ្នាយល់ព្រមពីគម្រោងមួយនេះដែរ។បើបងប្អូននាងទិញប្រភេទផ្ទះល្វែងដូចមុនក៏បាន តែមកពីយល់ថា ធ្លាប់រស់នៅឆ្អែតឆ្អន់យូរហើយ ណាមួយផ្ទះល្វែងមិនសូវធំ ខណៈបងប្អូនសុទ្ធតែមានយានជំនិះគ្រប់គ្នា ទើបពិបាករកកន្លែងចត ។ ក្រុមគ្រួសារនាងចង់បានកន្លែងណាធំទូលាយម្តងកុំឱ្យស្មុគ ចិត្តតទៅទៀត ។
ម៉្យាងទៀតនាងមិនចង់ហក់លោតរកផ្ទះថ្មីទេ បើផ្ទះចាស់របស់នាងមិនមានបញ្ហាហុយដី ស្ទះចរាចរណ៍និងទឹកលិចទេនោះ ។ប្រភពព័ត៌មានដដែលបានឱ្យដឹងទៀតថា ផែនការទិញវីទ្បាថ្មី ដោយចំណោយទឹកប្រាក់រាប់ម៉ឺនដុល្លារ ហើយដោយមិនចង់ឱ្យមានការជជីកសួរនាំជុំវិញរឿងមានលុយ ច្រើនបែបនេះ រដ្ឋាបាននិយាយការពារខ្លួនថាបើគិតទៅផ្ទះល្វែងសព្វថ្ងៃនេះ មានតម្លៃយ៉ាងហោចណាស់១០ម៉ឺនដុល្លារដែរ ព្រោះគេបំពាក់របស់របរល្អៗ ដូច្នេះបើចំណោយលុយរាប់ម៉ឺនដុល្លារទៅហើយគួរតែទៅទិញផ្ទះណា មើលទៅប្រសើរជាងនេះ ។
ទ្ទឹម រដ្ឋា បានលើកឡើងថា វីទ្បានៅក្នុងបុរីខ្លះគេលក់ក្នុងតម្លៃជិត២០ម៉ឺនដុល្លារ ល្មមពិចារណាបាន ហើយផ្ទះក៏ធំស្រួលនៅទៀតផង។ ម៉្យាងទៀតបើនិយាយរឿងលុយ គឺនាងមានចំណែកខ្លះដែរ ឯចំណែកផ្សេងទៀតគឺបានពីឪពុកម្តាយ និងបងប្អូនជួយសហការគ្នាសម្រាប់ទិញ។
គួររំលឹកដែរថា មានប្រុសៗជាច្រើនបានគ្រឺតក្នាញ់នឹងសម្រស់ ទឹម រដ្ឋា និងប្រាថ្នាចង់នែបនិត្យបីត្រកងថ្នាក់ថ្នមកា យាស្រីស្រស់រូបនេះកាន់តែខ្លាំង ក្រោយពីតារារូបនេះ បានចាក់សាក់នៅត្រគាករូបខ្យាដំរី ចំណែកនៅកំភួនជើង នាង ម្តងសាក់រូបមេអំបៅ ម្តងជារូបផ្កាកុលាប អ៊ីចឹងហើយ បានជាធ្វើឱ្យបុរសសម្បូរទ្រព្យ លង់ស្នេហ៍នាងខ្លាំង ណាស់។
ក្រៅពីជាសមាជិកលេចធ្លោម្នាក់ ក្នុងក្រុមបង្ហាញម៉ូដCambodia Super Media ទឹម រដ្ឋា ពេលនេះកំពុងតែធ្វើពិធីកា
រិនី នៅ MyTV ក្នុងកម្មវិធី “រង្វាន់ ១៥.០០០ដុល្លារ” និងលេចមុខតាមកញ្ចក់ទូរទស្សន៍ CTN ក្នុងរឿងភាគ “អ្នក
មាន គុណ” ផងដែរ ទើបធ្វើឱ្យ គេនិយាយថា នៅឆ្នាំ២០១៣នេះ ទឹម រដ្ឋា ល្បីទាំងសិល្បៈ ល្បីទាំងស្នេហាព្រមគ្នា តែម្តង...៕ ដោយ ៖ ភីនរ៉ា