ភ្នំពេញ៖សម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជា បានអំពាវនាវ
ដល់មន្ត្រីគណបក្សអាជ្ញាធរ និងសមត្ថកិច្ចគ្រប់លំដាប់ថ្នាក់នៅគ្រប់មូលដ្ឋានទូទាំង ប្រទេសយកចិត្តទុក
ដាក់ធ្វើអំពើល្អនិងខិតខំជម្រុញផ្តល់សេវាសាធារណៈនានា ឲ្យបានទាន់ពេលវេលា ជូនបប្រជាជនដូចជា
សំបុត្រកំណើត អត្តសញ្ញាប័ណ្ណ សៀវភៅគ្រួសារ និងលិខិតបទដ្ឋាននានា ស្របតាមកំណែទម្រង់គ្រប់
ផ្នែករបស់រាជរដ្ឋាភិបាល ។
ការធ្វើអំពាវនាវនេះបានធ្វើឡើងនៅក្នុងឱកាសដែលសម្តេចអញ្ជើញសម្ពោធសមិទ្ធផលនានា នៅវត្តព្រែក
រំដេង ឃុំព្រែករំដេង ស្រុកស្រីសន្ធរ ខេត្តកំពង់ចាមនាព្រឹកថ្ងៃទី០១ ខែមេសា ឆ្នាំ២០១៣នេះ ដើម្បីធានា
ឲ្យបានស្ថានភាពល្អប្រសើរ សម្រាប់ផែនការបោះឆ្នោតសកលនាពេលខាងមុខនេះ។
បើតាមរបាយការណ៍របស់អភិបាលស្រុកស្រីសន្ធរ លោក ហេង វណ្ណី បានឲ្យដឹងថា សមិទ្ធិផលនានា
ដែលត្រូវបានសម្ពោធដាក់ឲ្យប្រើប្រាស់ថ្ងៃនេះមាន ចាក់សាបក្នុងបរិវេណវត្ត របង បង្គោលភ្លើង រូប
សំណាក រូបបដិមាករ ក្លោងទ្វារ និងឧបដ្ឋានសាលា ដែលបានចំណាយថវិការអស់ ចំនួន ២១៤ ៧០១
ដុល្លារ ដែលទឹកប្រាក់ទាំងនេះបានមកពីសប្បុរសជន និងពុទ្ធបរិស័ទជិតឆ្ងាយចូលរួមកសាង ។
ក្រៅពីសមិទ្ធិក្នុងវត្តនេះថ្នាក់ដឹកនាំរដ្ឋាភិបាលនិងគណបក្សប្រជាជនក៏បានយកចិត្តទុកដាក់ កសាងអភិ
វឌ្ឍន៍នូវហេដ្ឋារចនាសម្ព័ន្ឌនានាជាច្រើនជូនប្រជាពលរដ្ឋក្នុងមូលដ្ឋានដែលរួមមានផ្លូវបេតុង ចំនួន២ខ្សែ
ប្រ វែងជិត៤០គីឡូម៉ែត្រ សាងសងលូរំដោះទឹកគ្រប់ប្រភេទចំនួន១៥កន្លែង ឆ្លងកាត់៣ឃុំមានឃុំព្រែក
រំដេង ឃុំបារាយណ៍និងឃុំព្រែកដំបូក។សំរាប់ឆ្នាំ២០១៣មូលដ្ឋានកំពុងបន្តធ្វើផ្លូវប្រវែង៥០០០ម៉ែត្រទៀត
ក្រោមការផ្តល់ថវិកាពីសំណាក់សម្តេចតេជោសែន និងលោកជំទាវកិត្តិព្រឹទ្ធបណ្ឌិត។
សម្តេចប្រធានរដ្ឋសភាបានមានប្រសាសន៍ថា ប្រទេសជាតិឈានចូលសករាជថ្មីប្រកបដោយពន្លឺនិងក្តី
សង្ឃឹម ដែលប្រជាជនបានក្លាយជាម្ចាស់លើជោគវាសនាប្រតេសជាតិរបស់ខ្លួនយ៉ាងពិតប្រាកដ។
សម្តេចប្រធានរដ្ឋសភាបានបញ្ជាក់ថា ការរីកចម្រើននេះ គណបក្សប្រជាជនបានដើរតួនៅក្នុងការស្តារ
ប្រទេសជាតិឡើងវិញពីចំណុចសូន្យប្រឹងប្រែងជំនះនូវផលវិបាកដ៏ធ្ងន់ធ្ងរទាំងឡាយ ដែលរបបប្រល័យ
ពូជសាសន៍ ប៉ុល ពត បានបន្សល់ទុក ក្នុងស្ថានភាពមានតែបាតដៃទទេ និងស្ថិតក្នុងកាលៈទេសៈមាន
សន្តិភាពផង និងសង្រ្គាមផង ទប់ស្កាត់មិនឲ្យរបបប្រល័យពូជសាសន៍វិលមកវិញ។ មិនតែប៉ុណ្ណោះកម្ពុជាត្រូវទទួលរងការដាក់ទណ្ឌកម្មយ៉ាងអយុត្តិធម៌ពីមជ្ឈដ្ឋានខាងក្រៅមួយចំនួនថែម
ទៀត ដែលធ្វើឲ្យសភាពការណ៍កម្ពុជា នៅគ្រានោះកាន់តែលំបាកស្មុគ្រស្មាញឡើង។សម្តេចបន្តថា ទោះ
បីជាមានឧបសគ្គ និងការលំបាកធំធេងយ៉ាងនេះក្តី ក៏គ្មានអ្វីមករារាំងដំណើរជាតិកម្ពុជាមិនឲ្យឈានទៅមុខបានឡើយ។អាស្រ័យដោយមានមាគ៌ានយោបាយដឹកនាំដ៏ត្រឹមត្រូវ និងផ្អែកលើកម្លាំងមហាសា
មគ្គីជាតិ ព្រមទាំងបានទទួលការឧបត្ថម្ភគាំទ្រពីបណ្តាប្រទេសជិតឆ្ងាយ និងកម្លាំងជឿនលឿននានា គណបក្សប្រជាជនកម្ពុជាបានដឹកនាំប្រទេសឲ្យចេញផុតពីស្ថានភាពដ៏លំបាកលំបិនបំផុត ឈានទៅ
មុខជាជាជំហានៗឆ្លងពីដំណាក់កាលរីកចម្រើនមួយ ទៅកាន់ដំណាក់កាលរីកចម្រើនមួយទៀតប្រកប
ដោយមោទនភាព។
ជាមួយគ្នានេះ សម្តេចប្រធានរដ្ឋសភាបានកោតសរសើរដល់ស្រុកស្រីសន្ធរ ដែលធ្វើឲ្យសមិទ្ធផល
នានាក្នុងស្រុកទាំងមូលពិសេសដំណើរការកសាងអភិវឌ្ឍន៍និងរីកចំរើនលើគ្រប់វិស័យដូចដែល
របាយការណ៍លើកឡើងមុននេះ។សម្តេចក៏បានកោតសរសើរ ចំពោះការយកចិត្តទុកដាក់របស់ក្រុម
ការងារថ្នាក់កណ្តាល ព្រមទាំងថ្នាក់មូលដ្ឋាន ដែលមានលោក លូ គឹមឈុន ជាប្រធានក្រុមការងារ
ថ្នាក់កណ្តាលចុះជួយស្រុកស្រីសន្ធរយើងនេះ ដែលបានខិតខំបំពេញកិច្ចការនានា ដោយប្រាស្រ័យទាក់ទងជាមួយបងប្អូនប្រជាពលរដ្ឋនៅមូលដ្ឋាននេះបានល្អប្រសើរ ព្រមទាំងបានលះបង់ធនធាន
ផ្ទាល់ខ្លួនរួមទាំងកម្លាំងកាយចិត្ត ដើម្បីជួយមូលដ្ឋាននេះ ក្នុងគោលដៅបម្រើផលប្រយោជន៍រួម ក៏ដូច
ជាការជួយដោះស្រាយសេចក្តីត្រូវការនានាសម្រាប់បងប្អូនជនរួមជាតិនៅទីនេះ។ ក្នុងនាមថ្នាក់ដឹកនាំ
គណបក្សប្រជាជនកម្ពុជាសម្តេចបានប្រកាសពីការគាំទ្របេក្ខភាពសម្តេចអគ្គមហាសេនាបតីតេជោ
ហ៊ុន សែន ជានាយករដ្ឋមន្ត្រីសម្រាប់នីតិកាលទី៥នៃរដ្ឋសភា និងនីតិកាលបន្តបន្ទាប់ទៀត។
សម្តេចបានអះអាងពីគោលនយោបាយរបស់រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជាប្រមុខដឹកនាំបច្ចុប្បន្ន ក៏ដូចជាទៅអនាគត គឺគិតគូរណាស់ពីសេចក្តីសុខ និងការស់នៅរបស់ប្រជាជន បម្រើផលប្រយោជន៍ប្រជាជន តាមទិសដៅពង្រឹងសន្តិភាព ពង្រីកលទ្ធិប្រជាធិបតេយ្យ ជម្រុញការ
អភិវឌ្ឍន៍សង្គមជាតិ ឲ្យមានការលូតលាស់រីកចម្រើនឡើង ដើម្បីលើកស្ទួយកំរិតជីវភាពរស់នៅប្រជា
ពលរដ្ឋថែមទៀត។
គួរបញ្ជាក់ថា វត្តពហុបុប្ផារាម(ហៅវត្តព្រែករំដែង)នេះ បានសាងសង់ឡើងនៅក្នុងអំឡុងឆ្នាំ១៨៣២ ហើយក្នុងរបបប៉ុលពតវត្តនេះក៏ត្រូវបានបំផ្លិចបំផ្លាញទាំងស្រុងដូចវត្តនានាទូទាំងប្រទេសដែរ និងត្រូវកកើតឡើងវិញទាំងអស់ ក្រោយថ្ងៃរំដោះ៧មករា ១៩៧៩រហូតដល់បច្ចុប្បន្ន ៕
ដោយ៖សស្អាត