ភ្នំពេញ៖ ប្រហែល៨៥%នៃករណីនៃជំងឺទាចទឹកត្រូវបានគេគិតថា បង្កឡើងដោយជំងឺ ក្រិនថ្លើម ឬ ជំងឺថ្លើម ។ ទោះបីជាចលនាការពិតនៃជំងឺទាចទឹកមិនត្រូវបានគេដឹងច្បាស់ក៏ពិតមែន, ប៉ុន្តែភាគការសិក្សាច្រើនបង្ហាញថា មកពីកើនឡើងសម្ពាធនៅនឹងសរសៃឈាមថ្លើម ដែលជាអ្នកជម្រុញអោយមាន។ ភាពរួមស្រដៀងគ្នាទៅនឹងការបង្កើតជាហើមនៅកន្លែងផ្សេងនៅក្នុង ខ្លួនដែលត្រូវបានបង្កឡើងដោយការមិនមានស្ថេរភាពនៃសម្ពាធរវាង ផ្នែកខាងក្នុងនៃចរន្តឈាម និងផ្នែកខាងក្រៅ ដែលក្នុងករណីនេះ, គឺនៅក្នុងប្រហោងពោះ។ ការកើនឡើងសម្ពាធនៅនឹងសរសៃឈាមថ្លើម និងការថយចុះអាល់ប៊ុយម៊ីនអាចទទួលខុសត្រូវក្នុងការបង្កើតជាសម្ពាធនិងបណ្តាលអោយកើតមានជាទាចទឹកនេះឡើង។
លោក វេជ្ជបណ្ឌិត លាង ហ៊ត់ អ្នកជំនាញផ្នែកជម្ងឺថ្លើមក្រពះពោះវៀន នៅមន្ទីរពេទ្យព្រះកេតុមាលា បានចូលរួមធ្វើការ បកស្រាយយ៉ាងលម្អិត ជម្រាបជូនលោកអ្នកអំពីជម្ងឺទាចទឹកនេះបន្ថែមលើអ្វីដែលលោកអ្នក ធ្លាប់បានយល់ដឹងកន្លងមក តាមរយៈ ទស្សនាវដ្ដី សុខភាព ។ វត្ដមានទឹកដក់នៅក្នុងស្រោមពោះ ហើយមិនមានឈាម នោះគេឱ្យឈ្មោះថាទាចទឹក។ ជម្ងឺទាចទឹកគឺជាជម្ងឺមួយប្រភេទ ដែលមិនមែនជាជម្ងឺតំណពូជ ហើយវាអាចកើតមានលើមនុស្សគ្រប់វ័យ ដែលបណ្ដាលមកពីបណ្ដាជម្ងឺផ្សេងៗ។ ម្យ៉ាងវិញទៀត ជម្ងឺ មួយប្រភេទនេះ វាមិនមែនកើតមានក្នុងរយៈពេលត្រឹមមួយថ្ងៃ ឬមួយខែនោះទេ មេរោគអាចសម្ងំនៅក្នុងខ្លួនមនុស្សចាប់ពី៥-១០ឆ្នាំ ទើបស្ដែងចេញជារោគសញ្ញា។ វាអាចធ្វើឱ្យអ្នកជម្ងឺប៉ោងពោះធំ ដែលមើលទៅហាក់បីដូចជាអ្នកមានផ្ទៃពោះ ឬមនុស្សដែលមាន ក្បាលពោះធំដូច្នោះដែរ។ កត្តាផ្សេងទៀតដែលអាចនាំអោយចេញជាទាចទឹក គឺការចាល់អំបិល និងទឹក។ ចំនុះឈាមនៅចរន្តឈាមអាចត្រូវបានទាបដោយសញ្ញានៅក្នុងតម្រងនោម ដែលបង្កើតជាទាចទឹក អាចថយចុះចំនុះឈាម។ សញ្ញានេះធ្វើអោយតម្រងនោមស្រូបជាតិប្រៃ និងទឹកបន្ថែមដើម្បីបំពេញចំណុះឈាមដែលបាត់។ ហេតុផលដទៃទៀតនៃទាចទឹកដែលត្រូវបានទាក់ទងទៅនឹងការកើនឡើងសម្ពាធនោះ គឺរួមមាន ជំងឺខ្សោយបេះដូង និងជំងឺខ្សោយតម្រងនោម ដែលត្រូវបានបង្ករអោយមានចាល់ជាតិទឹកពេញនៅក្នុងខ្លួន និងបង្ករឲ្យទៅជាពោះឡើងធំ។ ក្នុងករណីកម្រ កើនឡើងសម្ពាធនៅក្នុងចរន្តឈាមថ្លើម អាចត្រូវបានបង្ករដោយការស្ទះ ផ្នែកខាងក្នុង ឬខាងក្រៅនៃសរសៃឈាមថ្លើម ដែលបណ្តាលអោយកើនឡើងសម្ពាធឈាមថ្លើមដោយមិនមានជំងឺក្រិនថ្លើម។ ឧទាហរណ៍នៃដុំដែលសង្កត់លើសរសៃឈាមថ្លើមពីផ្នែកខាងក្នុងនៃប្រហោងពោះ ឬ ការកកើតកំណកឈាមនៅក្នុងសរសៃឈាមថ្លើមដែលនាំអោយស្ទះលំហូរធម្មតានិងបង្កើនសម្ពាធឈាម។
ទាចទឹកក៏អាចជាសញ្ញានៃជំងឺមហារីកមួយចំនួនផងដែរ ដូចជា malignant ascites។ ប្រភេទនៃទាចទឹកនេះ គឺជាការកំណត់សម្គាល់នៃជំងឺមហារីកនៃសរីរៈនៅក្នុងពោះដូចជា ជំងឺមហារីកពោះវៀនធំ, ជំងឺមហារីកលំពែង, ជំងឺមហារីកក្រពះ, ជំងឺមហារីកសុដន់, ជំងឺមហារីកសួត ឬជំងឺមហារីកក្រពេញអូវែ ជាដើម។ ទាចទឹកដោយសារលំពែងអាចត្រូវបានឃើញចំពោះអ្នកដែលមានជំងឺរលាក លំពែងរ៉ាំរ៉ៃ ឬការរលាកលំពែង។ មូលហេតុទូទៅបំផុតនៃជំងឺរលាកលំពែងរ៉ាំរ៉ៃ គឺដោយសារការផឹកស្រាយូរឆ្នាំ។ ទាចទឹកដោយសារលំពែងក៏អាចត្រូវបានបង្កឡើងដោយជំងឺរលាកលំពែងស្រួចស្រាវ ក៏ដូចជាការប៉ះទង្គិចលើលំពែងធ្ងន់ធ្ងរផងដែរ។ គួររំលឹកថា រហូតមកដល់ពេលបច្ចុប្បន្ននេះ ចំនួននៃអ្នកដែលស្លាប់ដោយសារជម្ងឺទាចទឹកនៅតែមានជាបន្ដបន្ទាប់។ លោកអ្នកតែងតែយល់ថា ជម្ងឺទាចទឹកអាចកើតមានចំពោះតែអ្នកដែលចូលចិត្ដទទួលទានស្រាច្រើន លើសលប់តែប៉ុណ្ណោះ ។ ផ្ទុយទៅវិញជម្ងឺប្រភេទនេះអាចកើតមានចំពោះមនុស្សគ្រប់វ័យ និងអាចបង្កមកពីជម្ងឺផ្សេងៗមួយចំនួនទៀត៕
ដោយ៖ សស្អាត