ភ្នំពេញ៖ ក្រសួងសុខាភិបាល និងអង្គការសុខភាពពិភពលោក បាននិយាយថា កុមារី ២ នាក់នៅ ខេត្តកំពង់ចាម ដែលឆ្លងវីរុសផ្តាសាយបក្សី H5N1 បានជាសះស្បើយពី ជំងឺដ៏កាច សាហាវនោះហើយ និងបច្ចុប្បន្នមានសកម្មភាពជាធម្មតា។នៅក្នុងសេចក្តីប្រកាសព័ត៌មានចុះថ្ងៃទី ២៧ ខែកុម្ភៈ ឆ្នាំ ២០១៤ ក្រសួងសុខាភិបាល និងអង្គការសុខភាពពិភពលោកបាននិយាយថា មានករណីផ្តាសាយបក្សីចំនួន ២ ត្រូវបានអះ អាងថា វិជ្ជមានវីរុសផ្តាសាយបក្សី H5N1ក្នុងឆ្នាំនេះ ដែលនេះជាករណីទី ៤ និងទី ៥ ក្នុងឆ្នាំ នេះ និងជាករណីទី ៥១ និងទី ៥២ ដែលបានឆ្លងវីរុសផ្តាសាយបក្សី H5N1។ ករណីទាំងពីរនេះ មកពីខេត្តកំពង់ចាម ដែល ៤០ ករណីក្នុងចំណោមករណីទាំង ៥២ ដែលកើតមាននៅកម្ពុជា កលតលើកុមារអាយុក្រោម ១៤ ឆ្នាំ និង ២៩ ករណីក្នុងចំណោម ៥២ ជានារី ។ ជាបន្ថែមាន ១៨ ករណីមានជីវិត ចាប់ពីមានជំងឺផ្តាសាយបក្សីលើកដំបូងនៅកម្ពុជាក្នុងឆ្នាំ ២០០៥ ។ ករណីទី ៤ កើតលើកុមារីម្នាក់អាយុ ១០ ឆ្នាំមានទីលំនៅក្នុងភូមិរវៀង ឃុំស្នរដំបង ស្រុកជើងព្រៃ ខេត្តកំពង់ចាម(បច្ចុប្បន្នស្ថិតក្នុងខេត្តត្បូងឃ្មុំ) ដឹងតាមរយៈប្រព័ន្ធតាមដានជំងឺ ក្រុនក្តៅរបស់អង្គការផ្នែកស្រាវជ្រាវវេជ្ជសាស្រ្តនាវាសហរដ្ឋអាមេរិក ត្រូវបានបញ្ជាក់ដោយ វិទ្យាស្ថានប៉ាស្ទ័រកម្ពុជានៅថ្ងៃទី ២០ ខែកុម្ភៈ ឆ្នាំ ២០១៤ ថាមានជំងឺផ្តាសាយបក្សី H5N1។ នាងចាប់ផ្តើមមានគ្រុនក្តៅនៅថ្ងៃទី ២៦ ខែមករា ឆ្នាំ ២០១៤ ។ ម្តាយកុមារីបានទិញថ្នាំនៅភូមិ ហើយចាប់ពីថ្ងៃទី ២៧ ខែមករា ឆ្នាំ ២០១៤ នាងបន្តមានគ្រុនក្តៅ ហូរសំបោរ ក្អួត និងឈឺពោះ ។ នៅថ្ងទី ២៩ ខែមករា ឆ្នាំ ២០១៤ បុគ្គលិកគម្រោងរបស់អង្គការផ្នែកស្រាវជ្រាវវេជ្ជសាស្រ្ត នាវាសហរដ្ឋអាមេរិកបានប្រមូលសំណាកពីកុមារី ។ នៅពេលបានទទួលលទ្ធផលថា មានផ្ទុក វិរុស H5N1 នាងត្រូវបានបញ្ជូនទៅ និងដាក់ ឲ្យសំរាកនៅមន្ទីរពេទ្យបង្អែកខេត្តកំពង់ចាម នៅ ថ្ងៃទី ២០ ខែកុម្ភៈ ឆ្នាំ ២០១៤ និងបានទទួល ការព្យាបាលដោយឱសថ Tamiflu នៅថ្ងៃដដែល នោះ ។ បច្ចុប្បន្ននាងបានជាសះស្បើយ និង មានសកម្មភាពធម្មតា ។ នាងបានប៉ះពាល់ជាមួយ បក្សីឈឺ និងងាប់ ។ ទានៅកសិដ្ឋាន ចិញ្ចឹញទា ក្នុងភូមិកុមាររស់នៅ ចាប់ផ្តើមងាប់ភ្លាមៗនៅ ពាក់កណ្តាលខែមករា ឆ្នាំ ២០១៤ ។ ម្តាយនាងបានទិញទាឈឺ និងងាប់នៅថ្ងៃទី ២៥ ខែមករា ហើយគ្រួសារបានរៀបចំធ្វើម្ហូប ដោយមានការជួយធ្វើម្ហូបពីកុមារី។ ករណីទី ៥ កើតលើកុមារីម្នាក់អាយុ ១១ ឆ្នាំមានទីលំនៅក្នុងភូមិឡាអោក ឃុំក្រែក ស្រុក ពញា ក្រែក ខេត្តកំពង់ចាម(បច្ចុប្បន្នស្ថិតក្នុងខេត្តត្បូងឃ្មុំ)ដឹងតាមរយៈប្រព័ន្ធតាមដានជំងឺ ក្រុន ក្តៅ របស់អង្គការផ្នែកស្រាវជ្រាវវេជ្ជសាស្រ្តនាវាសហរដ្ឋអាមេរិក ត្រូវបានបញ្ជាក់ដោយ វិទ្យាស្ថាន ប៉ាស្ទ័រកម្ពុជានៅថ្ងៃទី ២០ ខែកុម្ភៈ ឆ្នាំ ២០១៤ ថាមានជំងឺផ្តាសាយបក្សី H5N1។នាងចាប់ផ្តើមមានគ្រុនក្តៅនៅថ្ងៃទី ០៩ ខែកុម្ភៈ ឆ្នាំ ២០១៤ ។ នៅថ្ងៃទី ១០ ខែកុម្ភៈ ឆ្នាំ ២០១៤ នាងបន្តមានអាការៈ គ្រុនក្តៅ ហូរសំបោរ ក្អក ឈឺបំពង់ក និងក្អួត ។ នៅថ្ងទី ១០ ខែកុម្ភៈឆ្នាំ ២០១៤ បុគ្គលិកគម្រោងរបស់អង្គការផ្នែកស្រាវជ្រាវវេជ្ជសាស្រ្តនាវាសហរដ្ឋអាមេ រិកបានប្រមូលសំណាកពីកុមារី ។ តាំងពីមានការអះអាងបញ្ជាក់ថា មានផ្ទុកវិរុស H5N1 នាង ត្រូវបានបញ្ជូនទៅ និងដាក់ឲ្យសំរាកនៅមន្ទីរពេទ្យបង្អែកខេត្តកំពង់ចាមនៅថ្ងៃទី ២០ ខែកុម្ភៈ ឆ្នាំ ២០១៤ និងបានទទួលការព្យាបាលដោយឱសថ Tamiflu នៅថ្ងៃដដែលនោះ ។ នាង បានទទួលការព្យាបាល និងបានជាសះស្បើយ៕
ដោយ៖ ស.ស្អាត