ភ្នំពេញ៖ យោងតាមសេចក្តីជួនដំណឹងរបស់រដ្ឋមន្ត្រីក្រសួងអប់រំ យុវជន និងកីឡាកាលពីថ្ងៃទី៣១ ខែមករាចុះហត្ថ លេខាដោយលោករដ្ឋមន្ត្រី ហង់ ជួនណារ៉ុន បានឲ្យដឹងថា ទោះបីជាកន្លងមកក្រសួងបានចេញសេចក្តីណែនាំសេចក្តីជូនដំណឹង និងបោះពុម្ពផ្សាយផ្ទាំងរូបភាពផ្សេងៗដែលមានខ្លឹមសារទប់ស្កាត់ការ លក់-ទិញសៀវភៅសិក្សាគោលដែលមានសរសេរនៅក្របថា "ហាមលក់" និង "កម្មសិទ្ធិរបស់រដ្ឋ" យ៉ាងណាក៏ដោយក៏បច្ចុប្បន្នក្រសួងសង្កេតឃើញថា សៀវភៅសិក្សាគោលប្រភេទនេះនៅមានដាក់លក់តាមទីផ្សារ បណ្ណាគារ និងតូបលក់សៀវភៅនានាក្នុងរាជធានីភ្នំពេញ និងតាមបណ្តាខេត្តមួយចំនួនទៀតផង។
.jpg)
សេចក្តីជូនដំណឹងដដែលបន្តថា ចាប់ពីដើមខែកុម្ភៈនេះតទៅក្រសួងអប់រំ យុវជន និងកីឡា សហការជាមួយស្ថាប័នមានសមត្ថកិច្ចនឹងចុះតាមទីផ្សារ បណ្ណាគារនិងតូបលក់សៀវភៅនានាដើម្បីរឹបអូសយកសៀវភៅសិក្សាគោល ឬសៀវភៅពុម្ពដែលមានសរសេរនៅលើក្របថា "ហាមលក់" និង "កម្មសិទ្ធិរបស់រដ្ឋ" ដោយពុំមានទូទាត់ប្រាក់សំណងអ្វីឡើយ ហើយជនល្មើសទាំងអស់ត្រូវប្រឈមនឹងការដាក់ទោសតាមច្បាប់ជាធរមាន។
ក្រសួងអប់រំ យុវជន និងកីឡា បានប្រកាសសហការជាមួយសមត្ថកិច្ចចុះតាមទីផ្សារ បណ្ណាគារ និងតូបលក់សៀវភៅនានា ដើម្បីរឹបអូសយកសៀវភៅសិក្សាដែលមានសរសេរនៅលើក្របថា "ហាមលក់" និង "កម្មសិទ្ធិរបស់រដ្ឋ" ដោយពុំមានទូទាត់ប្រាក់សំណងអ្វីឡើយ ហើយជនល្មើសទាំងអស់ត្រូវប្រឈមនឹងការដាក់ទោសតាមច្បាប់ជាធរមាន។
ក្រសួងអប់រំ យុវជន និងកីឡាបានបញ្ជាក់ថា ការលក់-ទិញសៀវភៅសិក្សាគោលដែលមានសរសេរនៅលើក្របថា "ហាមលក់" និង "កម្មសិទ្ធិរបស់រដ្ឋ" គឺ ជាអំពើខុសច្បាប់បង្កឲ្យមានផលអវិជ្ជមានដល់ការងារអប់រំយ៉ាង ខ្លាំង។
អាស្រ័យហេតុនេះសូមអាជីវករ និងសាធារណជនទាំងអស់ មេត្តាជ្រាប និងឈប់លក់-ទិញសៀវភៅសិក្សាគោលដែលមានសរសេរនៅលើក្របថា "ហាមលក់" និង "កម្មសិទ្ធិរបស់រដ្ឋ" ជាបន្ទាន់៕ ដោយ៖ ភីន រ៉ា